"O'yinda yutqazdik. "Paxtakor" bizdan yaxshi o'ynadi va haqli ravishda g'alaba qozondi. Futbol shunday o'yin. Unda har narsa bo'lishi mumkin. Ikkinchi o'yinda mag'lub bo'ldik. G'alaba qozonib ochko ishlash vaqti keldi deb o'ylayman.
Nazorat o'yinlarida boshqa tarkib, asosiy uchrashuvlarda umuman boshqa tarkib bilan harakat qildik. Bizga vaqt kerak. Mashg'ulotlarga ko'p narsa bog'liq. O'ylaymanki, Lutfullo To'raev qaytganidan so'ng yoshlar ham boshqacha o'yin ko'rsata boshlaydilar.
O'yindan-o'yinga yangi nomlarga ishonch bildiramiz. Bugun huddi milliy terma jamoaga qarshi o'smirlar jamoasi o'ynagandek tasavvur uyg'ondi. Umid qilamanki, ikkinchi davragacha barchasi joyiga tushib ketadi va "Paxtakor"ga munosib qarshilik ko'rsata oladigan bo'lamiz.
Lutfullo To'raev keyingi turda bizga yordam bera oladi deb umid qilaman.
Yangi legionerlar? Barchasi moliyaviy masalalarga bog'liq. SHuningdek, rahbariyat tomonidan qo'yiladigan vazifaga ham ko'p narsa bog'liq. Agar ular qo'l ostimizdagi yosh futbolchilar bilan maqsadga erishishni rejalashtirisa biz shu yo'ldan boramiz. Agar sovrindorlar orasidan o'rin olish vazifasi qo'yilsa albatta tarkibni kuchaytirishimiz lozim bo'ladi. Agar shunchaki chiroyli o'yin ko'rsatib, yoshlarga etibor qaratadigan bo'lsak bu boshqacha bo'ladi. Agar legioner bo'lsa bizning futbolchilardan bir bosh baland bo'lishi lozim.
Vazifamiz avvalgi yildan yomon bo'lmagan natijani qayd etishdir. SHundoq ham birinchi davrada endi xech kimni ro'yxatdan o'tkaza olmaymiz.
O'yinda kamchiliklar ko'p. Birinchi uchrashuvda bizga omad etishmagandi. Yosh futbolchimiz xato qilib qo'ygandi. Bu barchada bo'ladigan holat. Bugun esa "Paxtakor" kuchli edi. Futbolchilarga o'ziga bo'lgan ishonch kerak. Agar yaxshi o'ynab, mag'lub bo'ladigan bo'lsa bu xech kimni qoniqtirmaydi. Ammo, bugun o'yinimiz umuman yoqmadi", - dedi Vadim Abramov.
Bosh sahifaga
179