To'g'ri, veronaliklar darvozaboni etarlicha kuchli o'ynay olmadi, ammo bunga asosli sabab bor. 28 mart kuni u 40 yoshga qadam qo'ydi. “Kalyari”dagi o'sha kunigi bahs esa uning A Seriyadagi 360-o'yini bo'ldi. Stefanoning aytishicha, u 48 yoshigacha A Seriyada faoliyat yuritgan Balottaning rekordini yangilamoqchi ekan. Ammo zaxiradagi posbon bo'lishga rozi emasligini ham takidlab o'tdi. Hech qanday qiyinchilikka qaramay, faqat asosiy tarkib uni qoniqtirar ekan.
Salerno provinciasida tug'ilgan o'yinchining hayotida ancha qiyinchiliklar bo'lgan. Undan ko'pchilikning umidi katta edi, ammo yoshligida qattiq jarohat oladi. Biroq shunda ham Stefano "Lacio" yoshlar jamoasi safiga qo'shila oldi. U erdan esa "Yuventus"ga o'tdi. Sorrentino Turin klub akademiyasini tamomladi. “Keksa sinora”ning ikki darvozaboni jarohat olgani uchun, 19 yoshida Italiya Kubogi o'yinida zaxirada o'tirishga ulgurdi. “Men bir suratni haligacha asrab-avaylayman: men, Davids, Indzagi, Zidan…”, — kulib yodga oldi Stefano. O'sha payt “Yuve” bosh murabbiyi Marchello Lippi unga zaxira futbolchisi bo'lish imkonini berdi. SHuning uchun ham, Sorrentino nufuzli jamoaning zaxira o'rindig'idan joy oldi. Lekin keyin u boshqa chaqirilmadi. SHundan so'ng, posbon yozda "Torino"ga o'tib ketdi hamda B Seriyada debyut qildi. Ammo faqat bitta uchrashuvda maydonga tushdi. Ammo tajriba orttirish maqsadida kuchsizroq klubda o'ynab ko'rishga qaror qildi.
“Lacio” va “Yuventus” maktablarida o'qigani bois, takliflarsiz qolib ketmadi. “Yuve Stabiya” va "Vareze"da tajriba orttirdi va “buqalar”ga qaytish uchun tayyor bo'ldi. O'sha vaqt “Torino” elitaga chiqib olgan edi. 2001 yil Sorrentino birinchi marta A Seriya jamoasi tarkibida maydonga tushdi. O'sha mavsum 4, keyingisida esa 8 bahsda ishtirok etdi. Bu vaqt mobaynida esa "Torino" yana B Seriyaga tushib ketdi. Lekin Stefano ancha ko'nikib qolgan joyini tashlab ketishni hayoliga ham keltirmadi. Natijada u “sadoqati uchun” mukofotlandi va “Torino” A Seriyaga qaytgan mavsumda jamoaning asosiy darvozaboni bo'ldi.
Ammo taqdir kutilmaganda Stefanoni Greciya tomon etakladi. "Torino" moliyaviy tomondan qiyinchilikka tushib qoldi va Sorrentino Italiyada o'ziga boshqa klub izlash o'rniga, “AEK” safiga qo'shildi. Keyinchilik darvozabon Greciyada unga ajoyib taklif bildirishganini yashirmadi. U aslida sovrinlarni qo'lga kiritishni istagan edi. Sababi, Italiya grand jamoalarining asosiy tarkibida unga joy yo'qligini yaxshi tushunib etgandi. Hattoki, Stefano “Inter”da Julio Sezar bilan navbatma-navbat maydonga tushish imkonini bo'lgan edi. Ammo u bu taklifni qabul qilmagan. Sababi esa oddiy. Yuqorida takidlaganimizdek, uni faqat asosiy tarkib qoniqtiradi. Afsuski, u Greciyada birorta ham sovrinni qo'lga kirita olmadi va yana Italiyaga qaytdi. Undan avval posbon "Rekreativo" safida Ispaniya chempionatida bir mavsumni o'tkazdi va barcha 38 o'yinda maydonga tushdi. Umuman olganda, ispanlar darvozabonni keyingi mavsumga olib qolishga ham qarshi emasdilar. Ammo u Italiyaga oshiqardi va maoshining ancha pasayishiga ham rozi edi.
SHundan so'ng, Sorretino hayotida muhim rolb o'ynagan jamoani topdi. U Verona klubiga tez moslashdi va jamoadoshlari hurmati hamda muxlislar muhabbatiga sazovor bo'ldi. Sorrentino hech qachon yulduz bo'lmagan. Ammo uning sadoqati hamda tabassumi hech kimni beetibor qoldirmadi. SHu bilan birga u bir maromdagi o'yini bilan doim o'zini ushlab turgan. Hattoki, 10 yil avval qanday chaqqonlik bilan o'ynagan bo'lsa, hozir 40 yoshida ham xuddi shunday harakatlana olmoqda.
Sorrentino vijdonan ishladi va faqat bir mavsumda asosiy tarkibda maydonga tushmadi. Eudjenio Korini darvozabon Kristian Pujoniga taklif bildirdi. SHu sababli, Stefano Sorrentino mavsumning ikkinchi yarmini zaxira o'rindig'ida o'tkazishga majbur bo'ldi. U bu tajribali posbon bilan galma-galdan maydonga tushishni istamadi hamda B Seriyada o'ynaydigan "Palermo"ga o'tishga qaror qildi. Sorrentino Siciliyada yana asosiy kiper lavozimini egalladi va jamoa A Seriyaga qaytishida yordam berdi. Ular bilan yana ikki yilni ajoyib tarzda o'tkazdi. Qizig'i shundaki, u klubdan ketganidan keyin "Palermo" yana B Seriyaga tushib ketdi. Ehtimol, bu shunchachki tasodifdir. O'sha yili Sorrentino klub prezidenti taklifi bilan yana "Kevo" darvozasini qo'riqlay boshladi. Har doimgidek, u mahoratiga shubha qilishlariga o'rin qoldirmadi. O'tgan mavsumda esa A Seriyaning barcha uchrashuvlarida ishtirok etdi.
Ha aytgancha, Krishtianu Ronaldu A Seriyadagi debyut o'yinida Sorrentino ham maydonga tushgan edi. Bir uchrashuvda portugaliyalik darvozabonning burnini sindirdi. Natijada italiyalik tuni bilan kasalxonada qolishiga to'g'ri keldi. Ronalduning o'yinchiga nisbatan hech qanday adovati yo'q edi. Ammo Sorrentino “yaxshi bo'ldi aks holda, “Oltin to'p” sohibidan dastxati tushurilgan futbolkani ololmagan bo'lar edim”, — deb kinoyali kulib ko'ydi. Ammo ikkinchi doira uchrashuvlarida o'zicha “o'ch oldi”: u "Yuventus"ning ettinchi raqami tepgan penaltini qaytardi va bundan juda xursand bo'ldi.
Posbonni familiyadoshi Paolo Sorrentino filmlari nomiga o'xshatishadi. U ajoyib kinolar suratga olgan. Avvaliga “Yuventus”da “ortiqcha inson” bo'lib qoldi. Keyin esa “Kevo”da “ajoyib” o'ynab, 4 farzandning “yosh ota”si bo'ldi. Butun faoliyati davomida esa hali ham “yosh”ligicha qolmoqda.
Sergey Rumyancev
Bosh sahifaga
270