Hane Cup-2019. Bunyodkor-2005 ikkinchi o'yinda ham g'alaba qozondi

Bugun turnirdagi ikkinchi o'yinini o'tkazgan «Bunyodkor-2005» navbatdagi g'alabasini qo'lga kiritdi. Kechagi uchrashuvdan farqli ravishda bugun «qaldirg'ochlar» jiddiy qarshilikka duch kelishdi. Gruziyaning «Dinamo-Batumi» jamoasiga qarshi o'ynagan Doniyor Usmonov shogirdlari har bir bo'limda bittadan gol urib, uch ochkoni o'ziniki qildi. Birinchi bo'limda futbolchimiz qizil kartochka olib maydonni tark etishga majbur bo'ldi va jamoa o'yin so'nggiga qadar bir kishi kam bo'lib harakat qildi. Unga qadar raqib penalti tepishga muvaffaq bo'ldi, lekin foydalana olmadi. Bahs avvalida hammasi biz uchun teskari ko'rinish olgan bo'lsa-da, bolalar o'zini yo'qotib qo'ymadi. Aksincha, 20-daqiqada penaltidan hisobni ochishdi. Ikkinchi bo'limda g'alaba olib kelgan gol ham raqib darvozasidan joy oldi.

«HANE CUP-2019»
«Dinamo-Batumi» (Gruziya) - «Bunyodkor» - 0:2
«Bunyodkor»: Ali Erkinov, Abdurahmon Sulaymonov, Narimon Ahmadjonov, Asadbek Jamolov, Behruzbek Mahmudov, Diyorjon Tolibjonov (Muhammaddiyor Bahodirov, 40), Muzokir Malikov, Sobir Rishiddinov, Iskandar Soliev (Sardorbek SHoyimqulov, 55), Temur Baxtiyorov (SHoyusuf Erkinov, 45), Doniyor Xayrullaev (Ramziddin Muhammedov, 50).
Gollar: Sobir Rishiddinov, 20-penaltidan – 0:1. Iskandar Soliev, 55 – 0:2.
Ogohlantirish: Sobir Rishiddinov, 35.
CHetlatish: Behruzbek Mahmudov, 10.