Musobaqa viloyatning Farg'ona, Qo'qon shaharlari, Buvayda va Farg'ona tumanlarida tashkil etildi. Unda 15 ta jamoa tarkibida 300 nafardan ortiq futbolchilar ishtirok etdilar.
Musobaqaning yakuniy natijalariga ko'ra, 1-o'rinni "Neftchi" BO'FM jamoasi, 2-o'rinni Farg'ona tumani 2-BO'SM jamoasi, 3-o'rinlarni Farg'ona shahar 1-BO'SM va Qo'qon shahar 2-BO'SM jamoalari egalladilar.
Sovrindor jamoalar viloyat Futbol associaciyasi tomonidan tegishli diplomlar, medallar va futbol to'plari bilan taqdirlandilar. G'oliblarga sovrinni Farg'ona viloyati Futbol Associaciyasi 1-vice prezidenti Rasuljon Yuldashev topshirdi.
Taqdirlash marosimi vaqtida biz yosh chempionlar fikrlari bilan qiziqdik.
Amirbek Berdiev (tajribali futbolchi Anvar Berdievning farzandi): - Men kelajakda xuddi dadam kabi mahoratli futboli bo'lishni o'z oldimga maqsad qilganman. Agar yaxshi futbolchi bo'lib etishsam, kuchli jamoalarda o'ynasam dadamning meni kelajakda yaxshi futbolchi bo'lib etishishim haqidagi niyatlarini amalga oshirgan bo'laman. O'zbekiston terma jamoasida o'ynashni niyat qilganman - deydi yosh futbolchi.
Nurmuhammad Fazliddinov (musobaqaning eng yosh futbolchisi): Bu musobaqa yaxshi tashkilandi, mana bugun final uchrashuvida raqiblarimizni yirik hisobda mag'lubiyatga uchratib, chempion bo'ldik. Kelajakda dunyo taniydigan futbolchi bo'lib etishib, O'zbekiston terma jamoasi yutuqlariga o'z hissamni qo'shmoqchiman - deydi yosh chempion.
Bekzod Tolibov tayyorladi
Bosh sahifaga
163