Ro'ziqul Berdiev: "Paxtakor"ga hakamlarning yordami kerak emas"

"Menimcha bugun o'yinni hakamlar buzib qo'ydi. Bunday o'yinlarda saviyasi yuqoriroq hakamlar kerak. O'zimning yosh shogirdlarimga minnatdorchilik bildiraman. Grand jamoaga qarshi munosib o'ynadik.

Hozir o'yin videosini ko'rgan odamlarning aytishi bo'yicha Akrom Komilov tepgan paytda Bikmaev o'yindan tashqari holatda turgan ekan, Bikmaevdan Krimecga to'p borganida ham ofsayd bor edi. Buni qanot hakami qanday ko'rmay qoldi xayronman. Bu videoni hali o'zim ko'rganim yo'q.

Mannonov akademiyamiz tarbiyalanuvchisi. Unga o'rtoqlik o'yinlarida imkoniyat bergandik. Masharipovga qarshi aynan shunday tipdagi futbolchi kerak edi.

Aslida bugun ikkinchi raqamli jamoa bo'lib, qarshi hujumlarda o'ynashimiz kerak edi. Birinchi taymda u qadar yaxshi o'ynay olmadik. Ikkinchi taymda taktikani 4-5-1ni 4-4-2ga o'zgartirdik. Raqibga yuqoriroq bosim o'tazdik va gol urdik.

O'yin oxiriga kelib "Paxtakor" ustunlikka ega bo'ldi va standart vaziyatda ozgina etiborni yo'qotdik.

Kiyim almashtirish xonasida yosh futbolchilarim yig'lab o'tirishibdi. "Paxtakor" hakamlarning yordamiga muhtoj emas. O'z shogirdlarimning harakatlaridan xursandman.

Bobir Abdixoliqovning belida og'riq bor. Aziz G'aniev esa umumiy guruhga qaytdi. Olti oy kutdik yana bir oy kutsak hech nima qilmaydi. Bu Aziz uchun foydali bo'ladi. SHarof Muhitdinovda engil jarohati bor. U ham umumiy guruhga qaytdi. Bu yigitlar sog' bo'lishsa jamoada raqobat ham kuchayadi.

Islom Kenjaboevning holatini shifokorlardan so'raymiz. Hozircha aniq malumot yo'q", - deydi Berdiev.