Mahalliy nashrlardan biri Markoning Zidan bilan aloqalari qanday ekanligiga qiziqdi.
«Yo'q, afsuski, u bilan anchadan beri ko'rishmadik. Umuman Zidan bilan aloqalarimiz yaxshi emas. Zidan haqida aytadigan yagona gapim, uni jahon chempioni va murabbiy sifatida erishgan yutuqlari uchun qattiq xurmat qilaman. Bu inson oldida shlyapamni echaman», - deya javob qilgan sobiq himoyachi.
Eslatib o'tamiz, 2006-yilgi mundialning Italiya hamda Franciya o'rtasidagi hal qiluvchi bahsning ekstra taymlarining ikkinchisida Marko Materacci Zidanni haqorat qiladi. Oqibatda, Franciya sardori jahl bilan Markoning ko'krak qismiga kalla bilan zarba berib, uni maydonga qulatadi. Mazkur vaziyat uchun hakam Zidanga qizil kartochka ko'rsatib, maydondan chetlatadi. O'sha yilgi mundialda esa «Squadra Azzurra» penaltilar seriyasida g'olib bo'lgan holda to'rtinchi chempionlik titulini qo'lga kiritadi.
Avvalroq, Materacci Goal.com nashriga bergan intervyusida xatosini tan olib, noto'g'ri ish qilganini tan olgan edi.
Bosh sahifaga
252
