“Qizilqum” “Hokim kubogi” turnirini durang bilan boshladi

Quraga ko'ra, musobaqaning “V” guruhida qatnashayotgan navoiyliklar dastlabki turda Quvasoyning “Cementchi” futbolchilariga qarshi maydonga tushdi. Yomg'ir aralash yoqqan qor ostida kechgan mazkur bahs “Istiqlol” stadioni qoshidagi suniy maydonda o'tkazildi.

O'yin konchilarning to'liq ustunligida o'tgan bo'lsa-da, ammo har ikki jamoa azolari o'z darvozalari daxlsizligini saqlab qoldilar. O'yinning ikkinchi bo'limi ayniqsa shiddatli kechdi. Unda “Qizilqum” vakillari bir necha bor golli vaziyatlarni yuzaga keltirishdi. Jumladan, Vyacheslav SHevchenko, Bahriddin Vahobovlarning raqib darvozasiga yo'llagan zarbalari yo'liga bir necha bor darvoza ustuni va to'sini to'g'anoq bo'ldi.

Mazkur o'yinda “Qizilqum” tarkibida o'tgan mavsumni “Buxoro” jamoasida o'tkazgan Otabek Narzullaev maydonga tushdi. Agar bu futbolchining xatti-harakatlari murabbiylarga maqul kelsa, yangi mavsum oldidan Otabek bilan shartnoma imzolanadi.

SHuningdek, bugun jamoa mashg'ulotlariga tajribali yarim himoyachi Ruslan Vagapov (“Metallurg”) kelib qo'shilishi kutilmoqda.

Hakamlar hujjatidan ko'chirma:

Hokim kubogi

“V” guruhi, 1-tur.

29 yanvar

“Qizilqum” (Navoiy) - “Cementchi” (Quvasoy) - 0:0.

Bosh hakam: Ravshan Kopadze

“QIZILQUM”:  Artyom Makosin, Alisher Yusupov, Georgiy Kvesieshvili, Fayzulla Qambarov, Akmal Rustamov, Samandar SHodmonov, Ilhom Yunusov, G'ayrat Jumaev, SHerali Jo'raev, Vyacheslav SHevchenko, Bahriddin Vahobov.

Zaxiradan maydonga tushganlar: Andrey Derkach, Otabek Narzullaev, Alisher Xoliqov.

“CEMENTCHI”: Eldor Isaboev, Jamshid Qobulov, Oqil Mahmudov, Abduxoliq Qurbonov, Jo'rabek Yoqubov, Eliyor Mamasoliev, Sardor Sotiboldiev, Alisher Fayzullaev, Aziz Matkarimov, Muhammadsulton Fozilov, Eliyor Akbarov.

Zaxiradan maydonga tushganlar: Farrux Turdialiev, Rahmatullo Meliboev, Isroil Tursunov, Bahodir Qodirov, Davlat Yorbekov, Rizo Ayvazov, Jasur Abdurahmonov.

Eslatib o'tamiz, “Qizilqum” jamoasi navbatdagi uchrashuvni 30 yanvar kuni o'tkazadi. SHu kuni “Neftchi-2” futbolchilari navoiyliklar raqibi bo'ladi. O'yin soat 15.30 da Qirgulidagi “Neftchi” SK stadionida boshlanadi.