Uchrashuvdan so'ng "sherlar" darvozaboni Sanjar Quvvatovning fikrlari bilan qiziqdik.
"Nasaf"ning o'yinlarini ko'rib chiqdik. Jamoa juda ham yaxshi shakllanganiga guvoh bo'ldik. SHu bois bizda hech qanday bo'shashish bo'lgani yo'q. To'la to'kis tayyorgarlik ko'rdik", - deya o'yin haqida qisqacha fikrini bildirdi Quvvatov.
FOTO "Paxtakor" va "Nasaf" ishtirokidagi super o'yindan FOTOMAQOLA
- Humoyun Murtazoev bilan birga-bir vaziyatdagi seyvingiz tufayli "Paxtakor" bugun ochko yo'qotmadi desak bo'ladi. O'sha vaziyatni yodga olsangiz...
- Albatta jamoamga foydam tekkanidan xursandman. To'pni qaytarish uchun bor kuchim bilan o'ynadim. O'sha vaziyatda gol o'tkazib yubormaslik shart edi, aks holda... O'yinni oxirigacha chidab berishgani uchun jamoadoshlarimga rahmat aytaman.
- O'yin jihatdan olib qaraganda qanday natija adolatli bo'lardi?
- Menimcha biz ko'proq hujum qildik. Lekin, ikkala jamoa ham g'alabaga haqli edi. Omad degan narsa ham bor. Oxirigacha harakat qilganimiz uchun ham omad bizga kulib boqdi deb o'ylayman.
- Uchrashuvdan keyin "Nasaf" kiyim almashtirish xonasiga kirib chiqdingiz...
- Sobiq jamoadoshlarimga yaxshi o'yin uchun rahmat aytib chiqdim. Yigitlar bilan ko'rishmaganimga ancha bo'lgandi. SHu bahonada ko'rib chiqdim.
- Humoyun Murtazoevga hech nima demadingizmi?
- Yo'q-yo'q. Humoyun bilan bitta tumanda yashaymiz. O'yin paytida ozgina qizishib ketdi, bu oddiy hol.
Tolibjon Qosimov suhbatlashdi
Bosh sahifaga
319