Bahrom Norsafarov: "Bu tarkib endi milliy terma jamoaga aylanadi"

"O'zbekiston terma jamoasini g'alaba bilan tabriklayman. Bugungi o'yin biz uchun og'ir bo'ldi. Ammo biz yanada kuchliroq bo'lishga harakat qilamiz. Terma jamoamiz hali yosh. Kamchiliklarimizni tahlil qilib, xatolarimizni to'g'irlashga intilamiz.

Bugungi o'yinda futbolchilarimiz ko'p xatolarga yo'l qo'yishdi. Bu xatolarni ustida ishlaymiz. Bazi vaziyatlarda omad ham kulib boqmaganini takidlash zarur. Birinchi bo'limda to'p darvoza to'siniga tegmay, gol bo'lganida o'yin boshqacha kechardi. Bu tarkib endi milliy terma jamoaga aylanadi. Ayollar o'rtasidagi Osiyo Kubogiga tayyorgarlik ko'ramiz. Bu tarkibga kirmay qolgan boshqa futbolchilarni ham ko'rib chiqamiz", - dedi Iordaniya terma jamoasi bosh murabbiyi.

Matbuot anjumanining ikkinchi qismida terma jamoamiz bosh murabbiyi Bahrom Norsafarov qatnashdi.

"Vetnamga qarshi o'yindagi mag'lubiyatdan keyin bugungi uchrashuvda g'alaba qozonish biz uchun muhim edi. Terma jamoamiz futbolchilari borlarini berib harakat qilishdi. Juda ko'plab vaziyatlarni yuzaga keltirdik, ammo faqat ikkitasidan foydalanishga muvaffaq bo'ldik. Ikkinchi bo'limda birinchisiga qaraganda yaxshiroq o'ynadik. Bosim natijasida raqibni qiynab qo'yishga erishdik. Bugungi uchrashuvda hakam ikkita vaziyatda yaqqol penaltini bermadi. Avvalgi uchrashuvda ham o'yinimizni boshqarib borgan hakam xatolarga yo'l qo'ygandi. Mening fikrimcha, bunday musobaqalarga tajribali hakamlarni qo'yish kerak. Endi Gonkongga qarshi o'yinga tayyorgarlik ko'ramiz", - dedi Bahrom Norsafarov.