- Ushbu uchrashuvning qiyin kechishini bilardik. Sababi, jamoamiz yosh futbolchilardan tarkib topgan va tajribasi kamroq. Birinchi bo'limda yaxshi harakat qildik. Ikkinchi bo'limda aynan shu tajribaning kamligi bois, o'yinimiz qovushmadi. Ayniqsa, jismoniy jihatdan ozgina charchab qoldik. Ammo yigitlar harakat qilishdi. Natijada g'alaba qozondik hamda muxlislar oldida yuzimiz yorug' bo'ldi.
O'yindagi penaltilar xususida to'xtaladigan bo'lsam, bor narsani bor deyish kerak. Hakam 11 metrlik nuqtani ko'rsatdimi, demak, penalti bo'lgan. Yigitlar biroz koncentraciyani yo'qotib qo'yishdi. Oqibatda ketma-ket to'p o'tkazib yubordik. Yuqorida aytganimdek, tajribasizlik ham ozgina pand berdi.
Ikkinchi 11 metrli jarima zarbasini qaytargan vaziyatimga kelsak, o'sha holatda mahoratimni namoyish etish va raqibni chalg'itishga harakat qildim hamda buning uddasidan chiqdim. Qaytgan to'p uning oyog'iga borib tushganida erda yotgandim, raqib to'pni darhol tepmagani uchun himoyachilarimiz menga yordamlashib yubordi va to'pni egallab oldim. G'alabadan xursandman!
Bosh sahifaga
228
