“Paxtakor”ning Qatarning 5 klubiga qarshi jami 14 uchrashuvda maydonga tushgan. “Garafa” bilan eng ko'p duch kelgan – 6 bor. “Qatar”, “Sadd”, “Arabi” va “Lahviya” bilan esa ikkitadan uchrashuv o'tkazilgan. Bu o'yinlarda 5 g'alaba, 4 durang va 5 mag'lubiyat kuzatilgan. Raqiblar darvozalari 21 marta ishg'ol qilinib, 19 to'p o'tkazib yuborilgan.
Toshkentda Qatar jamoalariga qarshi olti bellashuv bo'lib o'tgan. Ular 4 g'alaba va 2 durang qayd etilgan. 12 to'p kiritilgan va 4 gol qo'yib yuborilgan. Quyida ”Paxtakor” bilan to'qnash kelgan Qatar klublari va natijalar aks etgan.
“Al Garafa” - 3:0, 3:4, 2:2, 2:0, 0:1, 1:2
“Qatar” SK - 1:0, 0:0
“Al Sadd” - 1:1, 1:2
“Al Arabi” - 3:1, 1:0
“Lahviya” - 1:3, 2:2
“Al Sadd”ga qarshi o'yinlar 2011 yil guruh bosqichiga to'g'ri kelgan. Doxada mezbonlar 2:1 hisobida zafar quchishgan bo'lsa, Toshkentda 1:1 hisobi qayd etilgan. Gollarga Temurxo'ja Abduxoliqov va Stanislav Andreev mualliflik qilgan. O'shanda har ikki uchrashuv qaydnomasiga kiritilgan futbolchilardan Vladimir Kozak, Igor Sergeev va Egor Krimec hamon “Paxtakor”da o'ynayotgan bo'lsalar, “Sadd” tarkibida Saad Al SHib, Abdulkarim Hassan hamda Hassan Al Haydosni ko'rish mumkin.
Bosh sahifaga
267