Ushbu bahsda “qaldirg'ochlar" mavsumdagi ilk g'alabani qo'lga kiritdi. O'yinda dubl qayd etgan Xurshid G'iyosov saytimiz uchun intervyu berdi.
- Birinchi bo'limda o'zimiz xohlagan o'yinimizni ko'rsatdik va 2:0 hisobida g'alaba erishayotgandik, lekin futbol bir bo'limdan iborat emas. Ikkinchi bo'limda raqiblar munosib qarshilik ko'rsata oldi va hisobni qisqartirishga muvaffaq bo'ldi. Biz so'nggi daqiqalarga qadar g'alaba uchun kurashdik.
Har doim o'yindan oldin gol uraman deb niyat qilib maydonga chiqaman. Bugun niyatimga etdim. “Bunyodkor” ning g'alabasini hamma kutdi va nihoyat unga bugun etishdik. G'alaba bizga ruhan kuch berdi va keyingi uchrashuvlarda ham faqat g'alaba uchun maydonga chiqamiz.
Muxlislar bilan to'lib toshgan stadionda o'ynash har bir futbolchining orzusi. Bugun ajoyib atmosferani yaratgan namanganlik, farg'onalik muxlislarga rahmat aytaman. Muxlislarsiz futbol qiziq emas xoh ular bizga yoki raqiblarga muxlislik qilishsa ham. SHu o'rinda, bizni bevosita stadiondan turib qo'llab-quvvatlagan “Bunyodkor” muxlislariga o'z minnatdorchiligimizni bildiramiz", - deydi Xurshid G'iyosov.
Dildora Xolboeva yozib oldi
Bosh sahifaga
190