Anjuman davomida murabbiyga bugungi o'yinda beshta gol kiritgan Zafar Polvonov hamrohlik qildi.
"G'alabadan albatta xursandmiz. O'yin boshidan yaxshi harakat qildik. Bizda yaxshi imkoniyatlar yuzaga keldi. Zafar Polvonov birinchi golini urib oldi. O'yinning oxirigacha shu tarzda davom etdik. O'yindan qoniqdim desam ham bo'ladi. Ammo, baribir hali ko'p ishlashimiz lozim. Bunday vaziyat doim ham bo'lavermaydi. Raqib jamoa futbolchisi qizil kartochka olgani bizga engillik berdi deb o'ylayman. Umuman, hali qilinadigan ishlar ko'p. No'mon Hasanovni ham tushunib turibman. Bu futbolda ko'p bo'lib turadigan holat. Bizning kasbimiz shunday.
O'yinga tashrif buyurgan muxlislarga rahmat. Keyingi o'yinlarda ham ularni kutib qolamiz", - deb so'z boshladi Mirjalol Qosimov.
Zafar Polvonov: "O'yinga jiddiy tayyorgarlik ko'rgandik. CHunki, ortga yo'l yo'q edi. Yigitlarga rahmat. Muxlislar oldida ham yuzimiz yorug' bo'ldi. Men ham murabbiy ishonchini oqlaganimdan xursandman. Bundan keyin ham mehnat qilishda davom etamiz.
-Ilk g'alaba yirik bo'ldi va chiroyli o'yin evaziga qo'lga kiritildi. Himoyadagi o'yin, hususan Dilshod Jo'raevning o'yini haqida fikringiz.
-Dilshod universal futbolchi hisoblanadi. Men himoyada muammolar ko'rdim. SHuning uchun ham u himoyada o'ynadi. Futbolda bunday vaziyatlar ko'p bo'ladi. Bobur bilan birga u menga maqul keladigan futbolni namoyish etishi. Ular bir-birini yanada tushunib ketishi uchun vaqt kerak.
-PFL reglamentiga ko'ra Olimpiya terma jamoasi uchun mos keladigan futbolchi kamida bir bo'lim maydonda harakat qilishi lozim. Ko'pchilik bunday futbolchilarni asosan birinchi bo'limda o'ynatmoqda. Ammo, siz bugun ikkinchi taymda tushirdingiz. Bu orqali siz tavakkal qildingizmi yoki o'yin taqdirini birinchi bo'limdayoq hal qilmoqchimidingiz?
-Avvalambor, o'z maydonimizda o'yganimiz sabab tezroq natijani o'zimiz uchun yaxshi holatga olib kelishimiz kerak edi. Ikkinchi taymda esa yoshlarga imkon berishni maqsad qilgandik.
-Bunday usul jamoa g'alaba qozonib turganda uncha bilinmaydi. Ammo, mag'lubiyat vaqtida kimnidir majburan tushirish shart bo'lgan vaziyatlar murabbiylarga qiyinchilik tug'dirmaydimi?
-Agar bu usul kelasi yil ham qo'llaniladigan bo'lsa bizga osonroq bo'ladi. Yosh futbolchilarni jamoaga jalb qilishni imkon qadar tezroq boshlaymiz. To'g'ri, bazida shunday vaziyatlar bo'lib qoladi. Bazida kutilmagan jarohatlar ham bo'lib qoladi. Futbol shunisi bilan qiziq. SHuning uchun ham sportning ushbu turi jahonda ommalashgan.
-Zafar Polvonovga savol. Bugun beshta gol kiritdingiz. Bunaqasi yaqin yillar ichida O'zbekiston futbolida bo'lmagandi. Bundan taassurotlaringiz qanday?
-Men hujumchiman va asosiy ishim gol kiritish. Bugun o'z ishimni qildim. Eng yaxshi o'yin deb hisoblaymanmi? Ha, albatta.
-Golni nishonlashingiz haqida. Bu Ronalduga muxlislik qilishingizdanmi?
Ushbu savolga Mirjalol Qosimov javob berdi: Yo'q, golni bunday nishonlashni Ronaldu Zafar Polvonovdan o'rgangan (zalda kulgu).
Bosh sahifaga
108