"Bugun muxlislarga yoqadigan o'yin bo'ldi. Har ikki jamoa ham yaxshi harakat qildi. Uchrashuvda "Buxoro" ham, biz ham g'alaba qozonishimiz mumkin edi. Yuz foizlik imkoniyatlardan foydalana olmadik. Bugun ko'proq biz yutishni istagandik. Ikki ochkodan quruq qoldik. Bu bilan hayot to'xtab qolmaydi.
Bizni uzoqdan kelib qo'llab-quvvatlab turgan muxlislarga rahmat aytaman. O'z navbatida buxorolik muxlislardan ham minnatdorman. Yomg'ir yoqqaniga qaramay, stadionda futbol havosini saqlab turishdi. "Buxoro"ga navbatdagi o'yinlarda omad tilayman.
Maydon biz uchun noqulaylik tug'dirdi. Tushunaman, yangi maydonda ilk marotaba o'yin bo'ldi. Baribir, maydonni tekislab qo'yish lozim. Bu har ikki jamoaga ham halal berdi.
So'nggi daqiqalardagi o'zgarish? Elgujaning sog'lig'ida muammolar bor edi. Harorati ko'tarilgan bo'lsada, maydonga tushishini o'zi iltimos qildi. U shunday holatda ham o'ynadi. Biroq, ozgina qiynalib qoldi. SHuning uchun uni o'zgartirdim. Birinchi bo'limdagi o'zgarishga keladigan bo'lsak, reglamentga binoan biz maydonga yosh futbolchini tushirishimiz kerak edi", - deb fikrlarga yakun yasadi Hamidjon Aktamov.
Bosh sahifaga
445