"Ertaga oson bo'lmagan qiyin o'yin kutib turibdi. Stadionni ko'rib chiqdik, ajoyib holatda. Bu erga g'alaba uchun kelganmiz. To'g'ri bizda tiklanish uchun kamroq vaqt bo'lgandir, ammo tarkibdagi barcha futbolchilarni "Paxtakor" bilan o'yinga tayyorlash uchun bor kuchimiz bilan harakat qildik", - deydi Jezualdo Ferreyra.
"Bosh murabbiy aytganidek qiyin o'yin kutib turibdi. G'alaba uchun to'g'ri yo'ldamiz deb o'ylayman. Ertaga g'alaba qozonsak, Doxada ham shu jamoaga qarshi o'ynaymiz va o'zimizni yaxshiroq his qilishimiz mumkin", - deydi Pedro Migel.
- Jamoa o'tgan haftada Qatar chempioni bo'ldi. CHempionlik nishonlangani sizlarga tasir qilmaydimi?
- To'g'ri Qatar chempioni bo'ldik va yaxshi kayfiyatda Toshkentga etib keldik. O'tgan yil esa Qarshiga kelishdan esa muhim o'yinni yutqazib qo'ygandik. Hozir vaziyat boshqacha.
- Ertaga yaxshi shakllangan jamoaga qarshi o'ynaysizlar. Qanday natija kutayapsiz?
- Javob berish uchun oson savol bo'ldi. Sen to'p bilan va to'psiz qolganingda nima qilishing. To'p bizda bo'lganida juda yaxshi jamoaga aylanamiz. O'z navbatida "Paxtakor" ham to'pni o'zida saqlab turganida yaxshi o'ynaydi. Qolaversa raqibimizning jismoniy holati juda yaxshi. Biz esa avgustda mavsumni boshlaganmiz va yanvar oyida ko'plab futbolchilarim Osiyo Kubogida ishtirok etishdi.
- "Al Sadd" Qatar chempioni sifatida ilk uchrashuvni o'tkazadi. O'sha chempionlikni OCHLda qanday davom ettirmoqchisizlar?
Pedro Migel: - Bosh murabbiy aytib o'tdi, Qatar chempionligi bizga qo'shimcha kuch beradi. Ertaga o'sha kuch bilan harakat qilamiz.
- "Paxtakor"ning kuchli tomonlarini aytib o'tdingiz, raqibning kuchsiz tomonlari nimada?
- Buni jiddiy so'rayapsizmi? SHundoq ham "Paxtakor" to'p bilan yaxshi jamoa ekanligini aytdim. Menimcha shularni o'zi etarli bo'ldi.
- Arab klublari OCHLda safarda va uyda turlicha jamoaga aylanishadi. Uyda juda kuchli, safarda esa kuchsizroq. Masalan, o'tgan yil jamoa "Nasaf"ga yutqazib qo'ygandi, mana bu yil "Al Ahli"ga ham mag'lub bo'ldinglar. Bu nima bilan bog'liq?
- O'tgan yilga nisbatan o'sishga erishdik. Ertaga taxminan 20-25 ming muxlis keladi. Bu esa "Paxtakor"ning qo'shimcha o'yinchisiga aylanadi. Biz esa o'z uyimizda 1000 nafarga ham etmaydigan muxlislar qarshisida o'ynashimiz mumkin. Bundan tashqari futbolda jamoalar ikkita to'p berilmaydi. Yani raqib ham o'z o'yinini namoyish etadi va gol urishga harakat qiladi.
- Saad Al SHib va Abdulkarim Hassan haqida nima deya olasiz?
- Ikkinchi darvozabon Meshal yaxshi o'ynamoqda. Abdulkarim esa jarohat olgani uchun maydonga tushmaydi.
- Xavi Toshkentga keldi. U maydonga tushadimi yoki turist bo'lib keldimi?
- Ertaga u maydonga tushadi. Xursandmisiz (kuladi).
Bosh sahifaga
299