"Bu juda ham og'ir o'yin bo'ladi. Ularning tarkibini, ularning tarixini bilasizlar. Jamoaning maqsadidan yaxshi xabardorsiz. O'z maydonimizda o'ynaymiz. Ertaga stadionda ajoyib muhit bo'ladi deb umid qilaman. Yaxshi o'yin, effektiv o'yin kutayapman. Natijani oldindan aytish qiyin. Guruhdagi vaziyatni yanada yaxshilamoqchimiz. Guruh bosqichi oxirigacha peshqadam bo'lishni va guruhdan chiqishni istaymiz", - deydi SHota Arveladze.
"Kayfiyatimiz yaxshi. Umid qilamanki ertaga ham shunday bo'ladi. Bu bittagina o'yin, biz uchun juda muhim bahs. G'alaba qozonish uchun borimizni beramiz", - deydi Marat Bikmaev.
- Ertaga tarkibida Xavi, Gabi, Al Haydos va Bunedja kabi futbolchilari bor jamoaga qarshi o'ynaysizlar. Ularning kuchli va kuchsiz tomonlari nimada?
- "Al Sadd" safida ko'plab yulduzlar bor. Ularni o'rganib chiqdik. Toshkentda mana shunday kuchli jamoa kelishi bayram. Xavi futbol afsonasi. Gabi ham yuqori saviyada o'ynagan. Ammo bizda ham qobiliyatli futbolchilar ko'p. Bizni qiziqarli o'yin kutamoqda. Bu Toshkentdagi ajoyib futbol kechasi bo'ladi.
- "Al Saad" 21ta o'yinda 92ta gol urdik. Bog'dod Bunedja esa deyarli 40ta gol urdi.
- Har qanday seriya bir kun kelib to'xtaydi. Biz bor kuchimiz bilan ularga qarshilik qilamiz. Agar seriya to'xtamasa ularni olqishlaymiz.
- Xavi o'tgan mavsumda OCHL safardagi o'yinlariga bormagandi. Bu yil ham ilk bor safarga chiqmoqda. Xavi bor va Xavi yo'q jamoa qanday?
- Agar Xavi ilk bor safarga chiqayotgan bo'lsa demak ular "Paxtakor"ni jiddiy raqib sifatida ko'rishmoqda. Xavi maydonda bir soat o'ynashi mumkin, o'sha vaqtni o'zi unga etarli.
- Azamov va Simich ertangi o'yinga tayyormi?
- Ha, kecha ular mashg'ulotda qatnashishdi. Umid qilamanki ertaga bizda yo'qotishlar bo'lmaydi.
- Ertaga "Paxtakor" qanday o'yin ko'rsatadi? Himoyaviy yoki hujumkormi?
- Raqibdan kelib chiqib o'ynaymiz. To'pni nazorat qilish va o'yinni nazorat qilishni istaymiz. Ertaga ko'proq shaxmat bo'lishi mumkin. Bu guruh bosqichi o'yini va har bir o'yin juda muhim.
- Ertaga "Al Sadd"ga syurpriz bormi?
- Agar syurprizlarimiz ko'p desam yolg'on bo'ladi. Ammo bir nechta tayyorlab qo'ygan narsalarimiz bor.
- Siz uydagi ikki o'yinda ham deyarli bir nuqtadan gol urdingiz. Ertaga ham o'sha nuqtada jarima to'pi bo'lishini istarmidingiz?
Marat Bikmaev: - Albatta xohlardim (kuladi). O'yinda vaziyatlardan foydalanish juda muhim hisoblanadi.
- "Paxtakor" jismonan va ruhan tayyormi?
- Osiyo chempionlar ligasidek kuchli musobaqadan oldin yigitlar ruhan tayyorlar. Jismoniy holatga keladigan bo'lsak har bir o'yindan keyin tiklanish va navbatdagi o'yinga tayyorgarlik ko'ramiz.
Bosh sahifaga
1926