Oddiy misol, ushbu mavsum "Bunyodkor"ning asosiy tarkibini akademiya tarbiyalanuvchilari tashkil qilmoqda. Xususan, Superliganing 3-turida «Navbahor» darvozasiga birinchi golni urgan Jasurbek Jaloliddinov nafaqat jamoaning, balki Superliganing ham eng yosh o'yinchilaridan biridir.
2002 yilning 15 may sanasida tavallud topgan futbolchi Farg'onadagi bahsda Superligadagi ilk golini kiritdi. Bu yoshda «Bunyodkor»dek jamoaning asosiy tarkibidan joy olish va gol urish har qanday futbolchiga ham nasib qilavermaydi. Jasurbekdek o'yinchilarning Superligada o'ynashi akademiyaning faoliyati to'g'ri yo'ldaligi, murabbiylar shtabining esa, yosh iqtidorlarni o'z vaqtida ko'ra olayotganidan darak beradi.
«Bunyodkor» bugun tushdan so'ng «Navbahor»ga qarshi o'yindan keyingi ilk mashg'ulotini o'tkazdi. Mashg'ulotdan avval «Bunyodkor» muxlislar klubi etakchilari Jasurbek Jaloliddinovni Superligadagi birinchi goli bilan o'ziga xos tarzda taqdirlab unga BAAda o'tgan Osiyo Kubogi rasmiy to'pi Molten hamda O'zbekiston milliy terma jamoasi safida to'p surishini tilab ramziy futbolka topshirildi. Kutilmagan etirofdan xursand bo'lgan Jasurbek muxlislar, murabbiylar va jamoadoshlariga o'z minnatdorchiligini bildirib, bundan keyin ham o'z ustida tinmay ishlashda davom etishini, yanada yaxshiroq harakat qilib, «Bunyodkor»ning muvaffaqiyatiga o'z hissasini qo'shishini takidladi.
Biz ham Jasurbek Jaloliddinovning faoliyatiga omad tilaymiz!, - deb yozadi "Bunyodkor" matbuot xizmati.
Bosh sahifaga
1829