"Temiryo'lchilar" Saudiya Arabistonining Jidda shahrida "Al Ittihod" mehmoni bo'lishadi. O'yindan oldingi matbuot anjumanida ishtirok etgan "Loko" bosh murabbiyi Andrey Fyodorov raqib kuchiga yuqori baho berdi.
- "Hammaga salom. Ushbu shaharda bo'lib turganimizdan juda mamnunmiz. Ertaga bizni chiroyli o'yin kutmoqda deb o'ylayman. Garchi uchrashuv muxlislarsiz o'tsa-da, televizorda ko'radigan tomoshabinlar zerikib qolishmaydi deb o'ylayman. Osiyo chempionlavr ligasi nufuzli turnir, shu bois bunda ishtirok etayotgan har bir jamoa navbatdagi o'yinini yutishni xohlaydi. SHu jumladan biz ham", - deya fikr bildirdi Andrey Vitalevich.
O'z navbatida jamoa bosh murabbiyiga hamrohlik qilgan Oleg Zoteevning fikrlari quyidagicha bo'ldi:
- "Bosh murabbiyimizning aytganlariga qo'shilaman. Ertaga hammamizni chiroyli futbol kutib turibdi deb o'ylayman. Bu o'yinda kim g'olib chiqsa, keyingi bosqichga chiqish uchun yaxshi imkoniyatga ega bo'ladi. Ayni paytda guruhdagi barcha jamoalarda uch ochkodan bor, bu esa qolgan turlar ham qiziq o'tishini bildiradi".
Bosh murabbiyga savol: "Al Ittihod"ning ichki chempionatda ishlari yurishmayapti. Bu "Lokomotiv" foydasiga xizmat qiladimi?
A.Fyodorov: "Raqib haqida etarlicha malumotga egamiz. Saudiya Arabistoni chempionati Osiyoda eng etakchilardan biri hisoblanadi. Bu erda chempionat saviyasi juda yuqori. To'g'ri, hozirda "Al Ittihod" o'ziga yarashmagan o'rinda boryapti (13-o'rin), lekin bu hech narsani anglatmaydi deb o'ylayman. CHunki Saudiya chempionati bilan Osiyo chempionlar ligasi butunlay boshqa-boshqa musobaqa va bu ikki musobaqani o'zaro taqqoslash kerak emas".
Futbolchiga savol: O'yin muxlislarsiz kechadi. OFK qarori tufayli stadion ikkita o'yinga diskvalifikaciya qilingan. Bu mehmon sifatida sizlarga yordam beradimi?
O.Zoteev: "Avvalo muxlislarsiz futbol Osiyo futbolini ko'tarishga yordam bermaydi. Qolaversa Osiyo chempionlar ligasi nufuzini oshirish uchun muxlislar kerak. Lekin bu OFKning qarori. Bo'sh tribunalar qarshisida biz erkin o'ynaymizmi? Aslida futbolchi ishqibozlar ko'z o'ngida to'p tepsam deydi. Bu ham ko'proq kuch bag'ishlaydi. O'ylaymanki, bu o'yinga muxlislar kiritilmasligi uchrashuvga bo'lgan etiborni tushirmaydi. Har ikki jamoa bor kuchini berib harakat qiladi. Menga qaerda bo'lmasin tomoshabinlar ko'z o'ngida futbol o'ynagan maqul deb o'ylayman".
Bosh sahifaga
364