Mazkur o'yin bilan parallel ravishda Vetnam terma jamoasi Iordaniyaga qarshi bahs olib boradi. O'zbekiston ayollar olimpiya terma jamoasi bundan avvalgi ikkita o'yinda 1ta mag'lubiyat va 1ta g'alaba qayd etgan. Vetnam terma jamoasidan 2:1 hisobida mag'lub bo'lib, Iordaniya darvozasiga javobsiz 2ta gol kiritgan.
Hozirda terma jamoamiz 3 ochko jamg'arib, guruhda ikkinchi o'rinni egallab turibdi. To'plar nisbati bizda +1, yani raqib darvozasiga 3ta gol kiritib, o'z darvozamizdan 2ta gol o'tkazib yuborganmiz. Vetnam terma jamoasi esa ikkita o'yinda g'alaba qozongan holda, guruhda 1-o'rinni egallab turibdi. To'plar nisbati Vetnamda +2, yani vetnamliklar raqib darvozasiga 4ta gol kiritib, o'z darvozalaridan 2ta gol o'tkzaib yuborishgan. Guruhdan keyingi bosqichga faqat bitta jamoa chiqishini ham eslatib o'tish zarur.
# | Jamoa | O'yin | G'alaba | Durang | Mag'lubiyat | T-n | Ochko |
1 | Vetnam | 2 | 2 | 0 | 0 | 4-2 | 6 |
2 | O'zbekiston | 2 | 1 | 0 | 1 | 3-2 | 3 |
3 | Gonkong | 2 | 0 | 1 | 1 | 1-2 | 1 |
4 | Iordaniya | 2 | 0 | 1 | 1 | 0-2 | 1 |
O'zbekiston ayollar terma jamoasi keyingi bosqichga yo'l olishi uchun bugun Gonkongni istalgan hisobda mag'lubiyatga uchratishi, Vetnam esa istalgan hisobda Iordaniyaga mag'lub bo'lishi kerak.
Masalan, bugun biz 1:0 hisobida g'alaba qozonsak, Vetnam esa xuddi shu hisobda mag'lubiyatga uchrasa, ochkolar bo'yicha tenglik yuzaga keladi. Bu holda to'plar nisbatiga qaraladi. To'plar nisbati bizda +2 ko'rinishini oladi. Vetnamda esa +1 ko'rinishiga kelib qoladi. Bu holda yo'llanma O'zbekistonga nasib qiladi.
Ko'rinib turganidek, Vetnamda imkoniyat yaxshiroq. Ular bugun durang qayd etishsa ham keyingi bosqich yo'llanmasini qo'lga kiritishadi. O'zbekiston esa faqat g'alaba qozonishi va Vetnamning mag'lubiyatini kutishga majbur.
Bugungi uchrashuvda O'zbekiston ayollar olimpiya terma jamoasiga omad yor bo'lishini tilab qolamiz!
Bosh sahifaga
120