"Paxtakor" o'z maydonida Toshkentga kelishdan oldin Qatar chempionligini qo'lga kiritgan "Al Sadd" klubini qabul qiladi. Uchrashuv 19:00da boshlanadi. Quyida ushbu o'yinga oid bazi faktlarni keltirib o'tamiz.
- Har ikki jamoa bungacha ikki marta to'qnash kelgan. OCHL 2011 yilgi mavsumda jamoalar bitta guruhda bahs olib borishgan. Qatarda "Al Sadd" g'alaba qozongan va Toshkentda durang qayd etilgan.
- "Paxtakor" OCHLda Qatar klublariga qarshi oxirgi 7ta o'yinidan faqat ikkitasida g'alabaga erishgan. Lekin jamoa o'z maydonida hali yutqazmagan.
- "Paxtakor" shu paytgacha o'z uyida 44 marta o'ynagan bo'lib, shundan 27tasida zafar quchgan va 8 bor durang o'ynagan. "Paxtakor" o'z maydonida 2013 yildan beri mag'lub bo'lmayapti.
- "Paxtakor" safidagi eng sermahsul futbolchi Jaloliddin Masharipov bo'lib turibdi. U shu mavsumning o'zida 9 bor dribling amalga oshirishib 10 marta xavfli vaziyat yaratdi.
- Bugungi o'yinni himoyachi Egor Krimec sariq kartochkalar sabab o'tkazib yuboradi.
- "Al Sadd" o'tgan turda "Persepolis"ni mag'lub etdi va bu ko'rsatkich jamoaning oxirgi beshta o'yinidagi ilk g'alabasi bo'ldi. "Al Sadd" bungacha ikki bor durang o'ynab, ikki marta yutqazib qo'ygandi.
- "Al Sadd" hujumchisi Bagdad Bunedja o'tgan yilgi OCHL eng yaxshi to'purari hisoblanadi. U 13ta gol urishga muvaffaq bo'ldi.
- "Al Sadd"ning "Paxtakor"ga qarshi oxirgi o'yini 1:1 hisobida yakun topgan (2011 yil).
- Qatar klubi sardori Hassan Al Haydos bungacha o'tkazilgan ikkita o'yinda 10 bor xavfli vaziyatni yuzaga keltirdi. Bu eng yaxshi ko'rsatkichlardan biri bo'lib turibdi.
Bosh sahifaga
112