"Qirol Abdulloh" stadionida kechadigan bahs Toshkent vaqti bilan 22:45da start oladi. Quyida mazkur uchrashuvga oid bazi faktlarni keltirib o'tamiz.
- Har ikki jamoa bungacha o'zaro ikki bor to'qnash kelgan bo'lib, ikkala bahs ham 1:1 hisobida yakun topgan. Bu 2016 yilgi OCHL guruh o'yinlarida ro'y bergan.
- "Al Ittihod"ning o'tgan turda "Al Vahda"ga 1:4 hisobida imkoniyatni boy berishi jamoa uchun qatorasiga to'rtta o'yinda g'alaba qozonish imkoniyatini yo'qqa chiqardi. "Al Ittihod" 2012 yil ketma-ket 4ta uchrashuvda zafar quchgandi.
- "Al Ittihod" bungacha o'zbek klublariga qarshi 14 marta bahs olib borib, shundan faqat ikkitasida mag'lubiyatga uchragan. Bundan tashqari bu jamoa qatorasiga 7ta o'yindan beri O'zbekiston klublariga yutqazmay kelmoqda.
- "Qirol Abdulloh" stadionida kechgan oxirgi bahsda 1:1 qayd etilgan. Salli Muntarining hisobni ochgan goliga Temurxo'ja Abduxoliqov penaltidan to'p kiritib juda chiroyli javob qaytargan.
- Raqib safida eng sermahsul futbolchi Karlos Vilyanueva bo'lib turibdi. U avvalgi ikkita o'yinda 7 bor xavfli vaziyat yaratdi.
- "Al Ittihod" Saudiya chempionatida 13-o'rinni egallab turibdi. Jamoa oxirgi uchrashuvda "Al Batin"ni qabul qilib 4:1 hisobida zafar quchdi.
- "Lokomotiv"ning avvalgi turda Dohada mag'lubiyatga uchrashi jamoaning oxirgi to'rt o'yindagi dastlabki mag'lubiyati bo'ldi.
- Dohadagi bahsda Diyor Turopov tomonidan kiritilgan gol "Lokomotiv"ning OCHLda qatorasiga 6ta uchrashuvda raqiblar darvozasini ishg'ol etishini taminladi.
- "Lokomotiv" bungacha Saudiya Arabistoni klublariga qarshi 8 bor o'ynab shundan bittasida g'alaba qozongan. Bu 2016 yil OCHL 1/8 finalida sodir bo'lgan. O'shanda jamoa Toshkentda "Al Hilol"ni 2:1 hisobida mag'lub etgan.
- Dastlabki ikki tur statistikasiga ko'ra Sardor Mirzaev "Loko" tarkibida eng ko'p aniq pas bergan futbolchi bo'lib turibdi. Uning to'p uzatishlari 81,6 foizga aniq chiqqan.
Bosh sahifaga
192
