Bugundan etiboran kichik tanaffus olgan Evropa chempionlar ligasi o'zining eng "qaynoq" nuqtasidan yana davom ettiriladi. CHorak final doirasidagi dastlabki ikki Angliyada bo'ladigan kun. "Liverpul" "Portu"ni qabul qilsa, "Tottenxem" "Manchester Siti" bilan bellashadi.
 Liverpool | Champions League Final Stage . 1/4-tur 10/04/2019, 00:00 - : - Boshlanmadi |  FC Porto |
Stadion: Anfield
Bosh hakam: Antonio Mateu
Yurgen Klopp ("Liverpul" bosh murabbiyi): "Evrokuboklarda biz uchun yomondan ko'ra yaxshi voqealar ko'proq bo'lmoqda. O'tgan vaqt oralig'ida esa etarlicha tajriba to'plandi. "Bavariya"ga qarshi dastlabki o'yinimizdan keyin nursiz durang kamlik qilishini takidlashgandi. Javob bahsida bizda imkoniyatlar bo'lishini taxmin qilgandim. Yakunda o'sha imkoniyatdan foydalandik. "Portu"ga qarshi bahsda ham shunday yondoshuv va raqibga hurmat bilan qarashimiz lozim bo'ladi. Ayni paytda biz juda zo'r holatdamiz. SHu boisdan ham joriy mavsumdagi tariximizda yangi sahifalar ochishni istaymiz".
Serjiu Konseysau ("Portu" bosh murabbiyi): "Liverpul" har hafta yuqori darajada o'ynaydi. Men har bir jamoaga hurmat bilan qarayman. Lekin biz chempionatda doim ham yuqori darajadagi bahslarda ishtirok etmaymiz. Tarkibdagi yo'qotishlarimiz, hali bu birinchi o'yinligini inobatga olgan holda mazkur o'yinga kerakli strategiya tayyorlashimiz lozim bo'ladi".
Bu to'qnashuvda yaqqol favorit va autsayderni aniqlab olish mushkul vazifa emas. "Liverpul" o'tgan yilgiga nisbatan kuchayganini hisobga olsak, "Portu"ga yanada qiyin bo'ladi. Biroq bu Evropa chempionlar ligasiligi va bu erda har qanday natija qayd etilishi mumkinligi "Portu"ni oldindan hisobdan chiqarmaslikka chaqiradi.
 Tottenham Hotspur | Champions League Final Stage . 1/4-tur 10/04/2019, 00:00 - : - Boshlanmadi |  Manchester City |
Stadion: Tottenham Hotspur Stadium
Bosh hakam: Bjorn Kuipers
Ispaniyada boshlangan Pochettino & Gvardiola qarama-qarshiligi Angliyada "Tottenxem" - "Manchester Siti" to'qnashuvi orqali davom ettirildi. Endi esa ular ECHLda ham o'zaro ro'baru kelishmoqda. Mazkur jamoalar o'rtasidagi o'yin doim tomoshabop va qiziqarli o'tgan. Bu galgi bahs ham istisno bo'lmasligi haqiqatga yaqinroq. Ayni paytda "Tottenxem" premer ligada to'rttalikka kirish uchun kurashayotgan bo'lsa, "Siti" chempionlik yo'lida jiddiy "poyga"da ishtirok etmoqda. Jamoalarning hozirgi holatidan kelib chiqsak, "Siti" g'alabali odimni davom ettirmoqda. "Tottenxem" esa nisbatan bo'shashgan. Lekin jamoa o'tgan hafta yangi stadionidagi ilk uchrashuvda muvaffaqiyat qozongani va bugun ECHLda yangi o'yingohda o'ynashi etibori bilan, muxlislarga bayramona kayfiyat ulashishga yanada jiddiyroq qaraydi. Dastlabki bellashuv Londonda o'tayotganini inobatga olsak, mazkur bahsda Pochettino jamoasining imkoniyatlari yomon emas.
Bosh sahifaga
151