"Kechagi o'yin haqida qisqacha gapiradigan bo'lsam, hammasi haqqoniy va adolatli bo'ldi. O'yin bobida "Barselona" bir bosh ustunlik qildi. Natija ham shunga yarasha. "Manchester Yunayted" joriy mavsumdagi kuchini sarflab bo'ldi. Mavsum juda yomon boshlandi. Keyin Mourinyu istefoga chiqarildi. Jamoa malum vaqt chuqurlikda edi va bundan chiqishni ham uddaladi. ECHLda esa PSJ bilan javob o'yinida omad kulib boqdi.
"Barselona" mahorat bo'yicha "Manchester Yunayted"dan ancha ustunligi ko'rindi. Buni shunchaki ochiqchasiga tan olish lozim. Achchiq, lekin haqiqat. Albatta, "Manchester Yunayted" uchun qayg'urdik, lekin hozirgi holatni to'g'ri baholash lozim. "Barselona" kuchliliq qildi va haqli ravishda g'alaba qozondi. Bu erda ortiqcha savollarga o'rin yo'q", - dedi Kanchelskis.
Kataloniyadagi javob bellashuvida "Manchester Yunayted"ning imkoniyatlari mavjudmi, degan savolga mutaxassis quyidagi javobni berdi:
"Imkoniyat doim bo'ladi. Ayniqsa Evropa CHempionlar ligasida "kambek" juda ko'p ruy beradi. Lekin tan olish kerak, "Manchester Yunayted" buni amalga oshirishi juda mushkul masala. "Barselona" bu PSJ emas. Kataloniya jamoasida barqarorlik mavjud. Ular ECHLda, muhim o'yinlarda qanday o'ynash tamini olishgan. "Manchester Yunayted" esa mavsum davomida bor kuchini sarflab bo'ldi. Ortig'ini kutish yaramaydi. Kataloniyada durang bilan qaytish ham muvaffaqiyatga aylanadi. Muhimi, javob bahsida yirik hisobda yutqazmaslik ham yaxshi natija", - dedi Kanchelskis.
"Manchester Yunayted" rahbariyati Sulsher tayinlovida adashmadimi? Mazkur savolga "Manchester Yunayted" afsonasi quyidagicha javob qaytardi:
"Hammasini vaqt ko'rsatadi. Hozir har xil variantlarni keltirish mumkin: Adashdimi yoki yo'q. Sulsher keliboq jamoani o'zgartirmadimi, hech narsani buzmadi. To'g'ri qildi. Yangi mavsumda esa jamoani butkul o'zining uslubiga monand tayyorlaydi. Yangi g'oyalarini endi amalga oshirishga urinib ko'rishi mumkin. Avval esa mavsumni kuchli to'rttalikda yakunlash missiyasini bajarmog' lozim. Muhimi, kelasi mavsum ECHLga yo'llanma beruvchi chiptani qo'lga kiritish. Rahbariyat Sulsherda adashdimi yoki yo'q, buni kelasi mavsumda ko'ramiz", - deya "Manchester Yunayted" haqidagi fikrlarini yakunladi Andrey Kanchelskis.
Bosh sahifaga
1689