"Paxtakor" Termizda "Surxon" mehmoni bo'ladi. O'yin 16:15da boshlanadi. Turnir jadvalida "Paxtakor" 9 ochko bilan birinchi o'rinda ketyapti. Jamoa uchta o'yinning barchasini g'alaba bilan yakunladi. To'plar nisbati 7-3.
Superliga debyutanti "Surxon" esa musobaqa jadvalida 7 ochko bilan uchinchi o'rinni egallab turibdi. Jamoa bungacha o'tkazilgan uchta o'yindan ikkitasini g'alaba bilan tugatdi va bir bor durang o'ynadi. Surxon mag'lub etgan jamoalar: "Dinamo" (1:0) va "So'g'diyona" (3:0). Termizliklarning ayniqsa Jizzaxda zafar quchishi ko'pchilikni hayron qoldirdi.
Mavsumni "Lokomotiv"ga qarshi bahs bilan boshlagan "Paxtakor" 3:1 hisobida g'alabaga erishdi. SHundan keyin "Bunyodkor"dan 2:1 hisobida ustun keldi va o'tgan turda "Nasaf"ni ham 2:1 hisobida mag'lub etdi. Umuman olganda, "Paxtakor" bu yil yaxshi o'yin ko'rsatyapti. Lekin shunisi borki, jamoa har o'yinda gol o'tkazyapti. "Surxon" esa hozircha o'z darvozasidan faqat bir marta gol o'tkazib yuborgan.
Bugungi o'yinda imkoniyatlar haqida nima deyish mumkin? Albatta, "Paxtakor" kuchli va o'ziga yarasha tajribali jamoa. Lekin "Surxon" ham sira bo'sha kelayotgani yo'q. Jamoa debyutant bo'lishiga qaramay hammani o'ziga qaratishda davom etyapti va o'z tarkini bir nechta mahoratli futbolchilar bilan to'ldirib olgan. Bugun Termizda stadion muxlislar bilan liq to'lishi kutilmoqda. Albatta, o'yin ham shunga yarasha shiddatli kechishiga shubha yo'q.
Bosh sahifaga
581