Tur darvozaboni - O'tkir Yusupov ("Navbahor")
O'z vaqtida Qarshining "Nasaf" klubida o'ynagan "Navbahor" posboni O'tkir Yusupov saytimiz talqiniga ko'ra 4-turning eng yaxshi darvozaboni deb topildi. "Lochinlar" mavsumdagi ilk g'alabani aynan Qarshida qo'lga kiritishdi, bunda Yusupovning xissasi juda katta bo'ldi. O'zining sobiq klubi bilan bahsda bir necha marta jamoasini goldan qutqarib qolgan O'tkir haqli ravishda tur darvozaboniga aylandi.
Tur murabbiyi - Andrey Kanchelskis ("Navbahor")
Dastlabki uchta turda umuman g'alaba qozona olmagan Namanganning "Navbahor" klubi to'rtinchi turga kelibgina g'alaba qozondi. Qarshida "Nasaf"ga qarshi o'yinda ko'pchilik "Navbahor"ning imkoniyatlarini pastroq baholagandi. Sababi "lochinlar" so'nggi bor Qarshida 1999 yilda "Nasaf"dan ustun kelishgandi. Biroq Kanchelskis shogirdlari o'zlari uchun mana shu qora ananaga barham bera olishdi. SHu bois ham rossiyalik murabbiy saytimiz talqiniga ko'ra tur murabbiyi deb topildi.
Tur futbolchisi - Jasur Jaloliddinov ("Bunyodkor")
Bu mavsum Superligada maydonga tushgan va gol urgan eng yosh futbolchi ketma-ket ikkinchi turda raqib darvozasiga gol urdi. Oldingi tur "Navbahor" bilan bahsda o'zini ko'rsatgan futbolchi 4-turda "Andijon"ga ajoyib gol urishning uddasidan chiqdi. Vadim Abramov 16 yoshli futbolchiga ishonch bildirmoqda, Jasur o'z navbatida bu ishonchni oqlamoqda. Faqatgina futbolchi mana shunday etiroflardan havolanib ketmasligi, yulduzlik kasaliga chalinmasligi va mehnat qilishdan to'xtab qolmasligi lozim.
Bosh sahifaga
192