Mazkur loyihada bir jamoaning malum uchrashuvga tayyorgarlik jarayonini to'liq ko'rsatish, ichki hayoti va bir uchrashuvga qanday taraddud ko'rishi bilan atroflicha tanishtirib chiqishga harakat qilinadi. "O'yin kuni"/"Matchday" deya nomlanmish loyihaning ilk soni mehmoni sifatida Qarshining "Nasaf" jamoasi tanlandi. Ro'ziqul Berdiev boshchiligidagi "Nasaf"ning "Paxtakor"ga qarshi o'yini, uchrashuvga bo'lgan tayyorgarlik jarayonlari suratga olindi va hali hech qaerda tasviri chiqmagan jamoaning ichkaridagi "oshxonasi" haqida ham mazkur loyiha orqali malum miqdorda tanishib chiqishingiz mumkin bo'ladi.
Butkul boshqacha formatdagi "O'yin kuni"/"Matchday" loyihasining dastlabki sonini etiboringizga havola etamiz.
SHu o'rinda yangi loyihaning ilk qahramoniga aylangan "Nasaf" jamoasi mamuriyati, ayniqsa bosh murabbiy Ro'ziqul Berdievga ijodiy guruhimiz nomidan katta minnatdorchilik bildiramiz. Tasvirga olish jarayonida imkon qadar ochiqlikni taminlagan va jamoaning ichki hayoti bilan tanishishga ruxsat bergan murabbiylar shtabiga muxlislar nomidan alohida rahmat aytamiz.
O'ylaymizki, muxlislar o'zlari uchun qiziq bo'lgan jarayon va bazi kerakli malumotlar haqida mazkur loyiha orqali tanishib chiqishadi.
TAS-IX
TAS-IX emas
"O'yin kuni"/"Matchday" loyihasi ijodkorlari "Nasaf"ning Superliga doirasidagi "Paxtakor"ga qarshi o'yinga bo'lgan taraddudi jarayonlari vaqtida jamoa bilan birga bo'lishdi va qiziqarli holatlar aks etgan jarayonlarni o'z lentalariga tasvirga olishdi. Xullas loyihaning ilk sonini tomosha qiling va o'zingiz baho bering!
Kamchiliklar haqida xolis tanqidlar va yana nimalarga etibor qaratilishi, shuningdek, loyihaning kelasi sonida qaysi jamoani "O'yin kuni"da ko'rishni istashingizni izohlarda qoldirishingiz mumkin.
Etiboringiz uchun tashakkur!
Loyiha va g'oya muallifi — SHahboz Beg'amov.
Operator — Jahongir Fayzullaev.
Montajchi — Zoir Tursunboev.
Bosh sahifaga
228
