21-daqiqaga kelib, muxlislar 5ta gol ko'rishga muvaffaq bo'ldi. Bu natija musobaqa tarixidagi eng yaxshisi hisoblanadi.
Avvaliga, «shaharliklar» forvardi Rahim Sterling 4-daqiqadayoq hisobni ochgan bo'lsa, ikki daqiqa o'tar-o'tmas, Son Xyon Min hisobni tenglashtiradi. Birozdan so'ng, yana o'sha koreyalik futbolchi hisobni o'zgartiradi. Keyin esa Bernardo Silva hisobni tenglashtiradi va Sterling dubl qayd etib yana «Man Siti»ni oldinga olib chiqadi.
Avvalgi rekord natija 2016-yilgi «Borussiya» – «Legiya» o'rtasidagi bahsga tegishli edi. O'shanda jamoalar 24 daqiqa ichida 5ta gol urgan (3:2) va o'yin yakunida esa «arilar» 8:4 hisobida zafar qozongandi.
Bosh sahifaga
2075