- "Dinamo"ning o'yinini o'zim to'liq tomosha qilmadim, ammo murabbiylar shtabi zarur malumotni bizga tushuntirib beradi va raqibni videolar yordamida o'rganib chiqamiz. Bu jamoa dastlabki turlarda o'zini ko'rsatdi. SHu sababli bizga qarshi ham bor kuchlarini ishga solishga urinishlari tabiiy. Superligada biror bahs biz uchun oson kechmayapti.
Yoshlar jamoasi tarkibida o'tgan mavsumda hujumga yaqinroq o'ynardim. SHuning uchun ko'proq gollar urganman. Asosiy tarkibda esa o'ng qanot himoyasida to'p tepaman. Oxirgi o'yinlardagi golim va zarbalarimga kelsak, murabbiy doimo qanot yarim himoyachisi ortidan oldinga o'tishimizni takidlaydi. SHu sababli hujumlarga qo'shilmoqdaman. Darvozaga zarba yo'llash ham aynan oldinga o'tgan holatlarimdan keyin sodir bo'ldi.
Har to'rt kunda maydonga tushyapmiz. Buni hisobga olgan holda murabbiyimiz o'zgarishlarni amalga oshirmoqda. Navbatma-navbat futbolchilarga dam berib bormoqda. Men ham orada bir o'yinni o'tkazib yuborib, tiklanib olishga ulgurdim.
Bosh sahifaga
166