SHota Arveladze: "Futbolchilar ishga professional tarzda munosabatda"

- "Paxtakor"ga qarshi maydonga tushgan har bir jamoa o'zini ko'rsatishga harakat qiladi. O'z navbatida bu hech bir uchrashuvdan oldin jamoa o'zini bo'sh qo'yib yubormasligiga yaxshi ishtiyoq beradi. Termizda ham shunday o'yinga guvoh bo'ldik.

Biz o'yinga jiddiy tayyorgarlik olib bordik. Raqib himoyada ko'p hudud qoldirmaydi, yaxshi himoyalanadi. Biz esa hujumda faolroq o'ynab, ko'proq vaziyatlar sodir etish va ulardan foydalanishga urinamiz.

O'ylashimcha, o'yin qiziqarli kechadi. Joriy mavsum muxlislarimiz stadionda ajoyib muhitni yuzaga keltirishmoqda. CHempionlar Ligasi o'yini arafasida Superligadagi bellashuvimizga qiziqish yaxshi bo'ladi deb umid qilaman.