2019 yilgi mavsumda O'zPFL Superliga uchun 14, A Pro-ligasi uchun 8 hamda B Pro-ligasi uchun jami 16 ta klubni ro'yxatdan o'tkazdi. O'zbekiston kubogida mazkur jamoalardan faqatgina “Bunyodkor-2” hamda “Andijon-2” jamoalari ishtirok etmaydi. Ular farm-klub maqomida bo'lgani sababli, faqatgina B Pro-liga uchrashuvlaridagina qatnasha oladi.
1/32 final uchrashuvlari taqvimda 30 aprel hamda 1 may kunlari o'tkazilishi avvaldan belgilab qo'yilgan. Jamoalarning aynan qaysi kuni o'yin o'tkazishi ertaga PFL rasmiy sayti orqali malum qilinadi.
O'zbekiston kubogi 1/32 final
Turon – Rash Milk
Zarangari – Orol
Rubin – Ittifoq N / Ittifoq B
Yashnobod / CHig'atoy – G'ijduvon
Zirabuloq – Yangier
Lokomotiv-BFK – Zomin
19 aprel kuni O'zbekiston kubogi uchun saralash uchrashuvlari bo'lib o'tadi. SHarqiy mintaqadan saralashda “CHig'atoy” hamda “Yashnobod” klublari o'zaro o'yin bilan ishtirok etadi. G'arbiy mintaqada esa Navoiy hamda Buxoroning “Ittifoq” jamoalari o'zaro kuch sinashadi. Mazkur uchrashuvlar ertaga soat 16:00da o'tkaziladi va uchrashuvlar g'oliblari 1/32 finalda to'p surish huquqini qo'lga kiritadi.
Qura jarayonida jami 12 ta klub olti juftlikka ajratildi. Bosqich g'oliblari 1/16 final chiptasini qo'lga kiritadi.
1/16 finaldan boshlab musobaqaga Superliganing 10 hamda A Pro-liganing 8 jamoasi qo'shiladi. 1/8 finaldan boshlab esa “Lokomotiv”, “Paxtakor”, “Navbahor” va AGMK jamoalari turnirdagi ishtirokini boshlaydi.
2019 yilda mazkur turnirda har bir bosqich faqatgina 1 ta uchrashuvdan iborat bo'ladi. G'olib asosiy va qo'shimcha daqiqalarda aniqlanmasa, penaltilar seriyasi yordamga keladi. Qura marosimlari Sport-TV orqali jonli namoyish etib boriladi.
Bosh sahifaga
413