- Bugungi uchrashuv keskin kurashlar ostida o'tdi. O'ylaymanki mening jamoam “Andijon”dan aslo kuchsiz emas. To'g'ri, bugun mag'lub bo'ldik. Lekin kelgusi bahslarda albatta yutamiz. Buga 100 foiz ishonchim komil. Bizning oldimizdagi eng asosiy vazifa – shu yosh o'yinchilarning tajriba to'plashlariga imkon berish. Bugungi bahsdagi mag'lubiyatimizga asosiy sabab – standart vaziyatlar bo'ldi. O'yin qoidasini kamroq buzishimizni aytgandim.
Gollarda darvozabonni ayblamoqchi emasman. Butun jamoa xato qildi. Natija bo'lmaganidan keyin albatta o'yinimiz ham qoniqtirmadi. Jamoamiz hali yosh. Tezkor gol o'tkazganimiz jamoaga tasir qildi demagan bo'lardim.
Ketma-ket uchinchi mag'lubiyatni qabul qilib oldik. Mana shu ruhiy vaziyatdan chiqib ketishimiz kerak. Jamoamizdagi yosh o'yinchilar o'sishi kerak.
Bobir Abdixoliqovda anchadan buyon jarohati bor. Unga hozircha dam olish va davolanishga imkoniyat yaratib berdik. Kenjaboev kecha shamollab qoldi. Bundan tashqari "Paxtakor" bilan bahsda olgan jarohati hali bitmagan.
Hakamlik? Murtozaev gol urgan vaziyatda ofsayd yo'qqa o'xshadi. Lekin hali o'zim buni videoda ko'rib chiqqanim yo'q. SHu bois aniq bir gap ayta olmayman", - deydi Ro'ziqul Berdiev.
Bosh sahifaga
211
