"Bugun o'yin haqida qisqacha fikr bildiradigan bo'lsam, bugungi o'yin muxlislarga yoqadigan futbol bo'ldi. "Paxtakor" bilan tengma-teng kurashishga kelgan edik. SHunday ham bo'ldi, lekin natija mezbonlar uchun etarli bo'ldi.
"Paxtakor" ustunlik tomonida edi, ammo biz oxirigacha kurashgandik. Oddiy bir koncentraciyaning yo'qolishi birinchi gol bilan yakunlandi. Bu albatta biroz tajriba bilan bog'liq. Agar biz tezkor hujumlarimizdan foydalana olganimizda hech bo'lmasa 1 ochko bilan qaytishimiz mumkin edi.
Ikkinchi bo'limda o'yinni keskin tushishini shogirdlarim natija uchun o'ynagani bilan bog'lash mumkin. Himoyachi tushirib, Sayfiev va Mashariopovlar hujum qilgan tomonni yopishga harakat qildim. Lekin, o'ng tomondan aniq uzatma bo'lishi Siddiqovning goliga zamin yaratdi. O'sha vaziyatda CHeran va Bikmaevga etibor berib, Siddiqovni biroz unutib qo'yishdi va natijada gol o'tkazib yubordik.
"Paxtakor"ni bugungi g'alaba bilan tabriklayman va Qatarda bo'ladigan o'yinda ularga omad tilayman" - deydi Fayziev.
Bosh sahifaga
220