No'mon Hasanov: "Aslida Xolmuhammedov darvozaga zarba bermoqchi emasdi"

"O'yin bitta golgacha edi. Ikki jamoa durangga loyiq edi. Ikkita mag'lubiyatdan futbolchilarim xulosa chiqarib yaxshi o'yin ko'rsatdi deb o'ylayman. Uzoq yo'l bosib Navoiyga kelgan muxlislarga rahmat deyman.

Olmaliqdagi o'yindan keyin istalgan murabbiy istefo so'rardi. Ammo rahbariyat meni jamoada qoldirishga qaror qildi. Men doim tayyorman, agar kuchli murabbiy olib kelib Qo'qonni kuchli jamoa qilsa tayyorman. Qo'qon futboli qanchalik ko'tarilsa xursand bo'laman.

Bugun darvozabonimiz Islom Abdullaev Superligada debyut qildi. U yaxshi o'ynadi deb o'ylayman. Birinchi taymda jamoamizni muqarrar goldan saqlab qoldi.

Murod Xolmuhammedov jarima to'pi tepishdan oldin sheriklariga oshirmoqchi edi. Men esa darvozaga tepishini aytdim. Gol urgani uchun menga qarab yugurdi", - deydi No'mon Hasanov.