Bugun OCHL 4-tur doirasidagi "Al Sadd" - "Paxtakor" uchrashuvi oldidan o'yinoldi rasmiy tadbirlar o'tkaziladi.
Doha vaqti bilan soat 11:00da "Paxtakor" va "Aspire" vakili, Qatardagi barcha futbol maydonlariga javobgar mutaxassis o'rtasida uchrashuv tashkil etildi. Mazkur uchrashuvni tashkil etishda "Paxtakor"ga Qatarda faoliyat ko'rsatayotgan o'zbekistonlik tajribali futbol mutaxassisi Alisher Nikimbaev ko'maklashdi.
Unda "Paxtakor" klubi tomonidan Dohaga olib kelingan jamoa maydonlari sifatiga javobgar bo'lgan mutaxassis Denis An ishtirok etdi. "Al Sadd" jamoasining "Jassim Bin Hamad" nomli stadionida o'tgan uchrashuv davomida Denis An "Aspire Sports Turf" futbol maydonlari bo'yicha etakchi maslahatchi mutaxassisi Rodney Rayner bilan tajriba almashdi. Maydon holatlarini qay tariqa ideal sifatda ushlab turish, uni qaysi sharoitlarda qanday parvarishlash, qancha hamda qachon sug'orish va hokazo bo'yicha tegishli maslahatlarni olindi.
Eslatib o'tamiz, OCHL 4-tur doirasidagi "Al Sadd" - "Paxtakor" uchrashuvi oldidan rejalashtirilgan o'yinoldi rasmiy tadbirlar Toshkent vaqti bilan soat 18:00da, Dohadagi mahalliy vaqt bo'yicha esa 16:00dan start olishi ko'zda tutilgan. Mazkur tadbirlar, matbuot anjumanlari haqida saytimiz orqali xabar beramiz.
Bosh sahifaga
323