"D" guruhida birinchi o'rinda ketayotgan "Paxtakor" Dohadagi "Jassim bin Hamad" stadionida "Al Sadd" mehmoni bo'ladi. O'yin Toshkent vaqti bilan 21:00da boshlanadi. Quyida mazkur uchrashuvga oid bazi malumotlarni keltirib o'tamiz.
- Toshkentda o'tkazilgan mazkur jamoalarning birinchi to'qnashuvi 2:2 hisobida yakun topdi. Bu esa "Al Sadd" uchun oxirgi 6ta o'yindagi uchinchi durang bo'ldi.
- 2018 yilgi OCHL yarim finalchisi "Al Sadd" oxirgi beshta o'yinidan bittasida g'alabaga erishdi va ikki martadan durang va mag'lubiyat qayd etdi.
- "Al Sadd" hujumchisi Bagdad Bunedja o'tgan yilgi OCHL eng yaxshi to'purari hisoblanadi.
- "Al Sadd" oxirgi marta o'z maydonida 2011 yil "Paxtakor"ga qarshi bahs olib borgan. O'shanda jamoa 2:1 hisobida g'alaba qozongan, Li Jung Su va Ali Afif tomonidan kiritilgan gollar jamoaga foyda keltirgandi. "Paxtakor" safida esa Temurxo'ja Abduxoliqov gol muallifi bo'lgan.
- Bugungi uchrashuvni Pedro Korreyra va Akram Afif diskvalifikacyai sabab o'tkazib yuboradi.
- Qatarda milliy chempionat o'z yakuniga etdi va "Al Sadd" chempionlikni qo'lga kiritdi. Jamoa oxirgi o'yinida "Umm Salal"ni 6:1 hisobida mag'lub etdi.
- "Al Sadd" ichki chempionatda 22ta o'yin o'tkazib 100ta gol urdi.
- "Paxtakor" Qatar klublariga qarshi oxirgi 8ta o'yinidan faqat ikkitasida g'alabaga erishgan. Jamoa oxirgi marta 2012 yil "Al Arabi"ni 1:0 hisobida mag'lubiyatga uchratgan.
- "Paxtakor" shu paytgacha OCHL safar o'yinlarida 46 bor maydonga tushib, shundan 13tasida g'alabaga erishgan. 9 marta durang o'ynagan bo'lsa, 24ta bellashuvda imkoniyatni boy bergan.
- Avvalgi o'yinni sariq kartochkalar tufayli o'tkazib yuborgan Egor Krimec bugun maydonga tusha oladi.
- "Paxtakor" O'zbekiston Superligasida o'tgan turni o'z maydonida "Dinamo"ga qarshi o'tkazib 2:0 hisobida zafar quchdi. Bu o'yinda Javohir Sidiqov bilan Jaloliddin Masharipov "sherlar" safida gol muallifi bo'lishdi.
Bosh sahifaga
247