SHu kuni 8 nafar bokschimiz Osiyo chempionatida ringga ko'tarildi va ularning 4 nafari mag'lubiyatga uchradi. Baxtga qarshi, biz shu kuni to'rtta mag'lubiyatga loyiq emasdik. Ayniqsa -81 kg vazn toifasida yurtimiz sharafini himoya qilgan Dilshodbek Ro'zmatov qozog'istonlik raqibiga deyarli imkon bermagandi. Afsuski, yakunda hakamlar g'alabani raqibga tortiq etishdi. Bu xato edi. Uning Osiyo chempionatida o'tkagan ikkita jangini ko'rib, -81 kg vazn toifasida Bektemir Meliqo'ziev uchun yaxshi o'rinbosar etishib chiqayotganiga guvohi bo'ldik. Fikrimga qo'shilasizmi?
Toshkent boks maktabi tarbiyalanuvchisi Nodirjon Mirzahmedov hamyurtlarimiz ichida birinchi bo'lib yarim final masalasini hal qildi. Aytgancha, shu o'rinda qiziq malumot: 1994 yilda tug'ilgan Nodirjonning 28 aprel kuni to'yi bo'lishi kerak edi. Bangkokdagi Osiyo chempionati sabab visol oqshomi bir haftaga kechiktirildi. Umid qilamizki, engil vaznli bokschimiz to'yga to'yona bilan - oltin medal sohibiga aylangan holda uyga qaytadi.
Miraziz Mirzahalilov esa tailandlik bokschiga qarshi jangda raqibga umuman imkon qoldirmadi. Ushbu jangda mezbon faktori hamyurtimizga halal berishidan havotir olgandik, hayriyat yakunda unday bo'lmadi va hamyurtimiz yarim final yo'llanmasini qo'lga kiritdi. Hasanboy Do'smatov esa afsuski yana hindistonlik Amitga yutqazib qo'ydi. Umuman, uni yutqazdi demagan bo'lardik, ammo...
Boks bo'yicha Osiyo chempionatiga atalgan kundalikning to'liq qismi bu erda > > > Boks. Hakamlar xatosi, kechiktirilgan to'y va tug'ilgan kunga sovg'a
Bosh sahifaga
219
