Yana ikkita turdan so'ng guruh bosqichi o'yinlari tugaydi. Xabaringiz bor, bu tur "Lokomotiv" o'z maydonida Jidda shahrining "Al Ittihod" klubini qabul qilib, 1:1 natijasini qayd etdi. "Paxtakor" esa safarda "Al Sadd" mehmoni bo'lib, oxirgi daqiqalarda o'tkazilgan gol evaziga 1:2 hisobida yutqazib qo'ydi.
O'yin o'tdi-ketdi, buyog'iga endi kelajakni o'ylash kerak. Har ikki jamoani oldinda yana ikkita bellashuv kutib turibdi. "Lokomotiv" 7 may kuni safarda "Al Vahda" bilan o'ynaydi. "Paxtakor" esa 6 may kuni Toshkentda Osiyo chempionlar ligasi finalchisi "Persepolis"ni qabul qiladi.
Durangdan keyin "Loko" hisobidagi ochkolar to'rttaga etdi va turnir jadvalida uchinchi o'rinni egalllab turibdi. SHuningdek, "Paxtakor" ham mag'lubiyatdan so'ng uchinchi pog'onaga tushib qoldi. Faqat "Paxtakor" hisobida beshta ochko bor.
Xo'sh, Sizningcha bizdan qaysi klub keyingi bosqichga chiqadi? Guruhdan chiqish "Lokomotiv"ga nasib etadimi yo "Paxtakor"gami? Balki har ikkisi chiqar, balki hech biri chiqa olmas... Marhamat, bu borada o'z fikr-mulohazalaringizni bildirishingiz mumkin.
Bosh sahifaga
209
