O'zbekistonning amaldagi chempioni "Lokomotiv" o'z maydonida "Qizilqum"ga qarshi bahs olib boradi. TTZ dahasidagi "Lokomotiv" stadionida bo'lib o'tadigan bahs 17:30da start oladi.
Superliga jadvalida "Lokomotiv" 12 ochko bilan 2-o'rinda bormoqda. "Qizilqum" hisobida esa 5 ochko bo'lib, bu jamoa 11-o'rinni egallab turibdi. "Lokomotiv" ichki chempionatning oxirgi to'rt o'yinida ketma-ket 4ta g'alabaga erishdi. To'plar nisbati 9:1. "Lokomotiv" navbati bilan "Navbahor", "Andijon", AGMK va "Buxoro" klublarini mag'lubiyatga uchratdi.
"Qizilqum" haqida to'xtaladigan bo'lsak, bu jamoa hozircha bitta g'alabaga erishgan. Navoiyliklar uyda AGMKni 3:1 hisobida mag'lub etishdi. Oxirgi uchta o'yinda esa "Qizilqum" bir bor durang o'ynab, kki marta mag'lubiyatga uchradi. Hamidjon Aktamov shogirdlari Buxorodan durang bilan qaytgach, "Metallurg"ga 1:4 hamda "Qo'qon-1912"ga 0:1 hisobida imkoniyatni boy berishdi.
2018 yil. "Lokomotiv" - "Qizilqum" 2:2
2017 yil. "Lokomotiv" - "Qizilqum" 2:0
2016 yil. "Lokomotiv" - "Qizilqum" 2:0
2015 yil. "Lokomotiv" - "Qizilqum" 1:0
2014 yil. "Lokomotiv" - "Qizilqum" 4:1
Toshkentda bo'lib o'tgan oxirgi besh o'yindan to'rttasida "Loko" g'alabaga erishgan. "Temiryo'lchilar" so'nggi beshta o'yinda raqib darvozasiga 11ta gol urib, o'z darvozalaridan 3 marta to'p olib chiqishgan. Faqat oxirgi o'yin durang natija bilan yakun topgan.
Bosh sahifaga
318