Ayni paytda Angliya, Germaniya, Italiya, Franciya va Ispaniya chempionatlarida qaysi jamoalar quyi ligaga tushib ketgan yoki tushib ketish xavfida ekanligiga nazar solamiz.
Angliya premer ligasida allaqachon ikkita klub - "Xaddersfild" va "Fulxem" quyi divizionga tushib ketgani oydinlashgandi. Tushib ketishga uchinchi davogar bo'lib turgan "Kardiff" hisobida 31 ochko mavjud. Qolgan uchta turda jamoa holatini yaxshilay olmasa, unda kelasi mavsumni premer ligada emas, balki chempionshipda o'tkazishiga to'g'ri keladi. Ayni paytda "Kardiff" premer ligada qolish uchun "Brayton" va "Sautgempton" bilan kurashmoqda.
ANGLIYA PREMER LIGASI TURNIR JADVALI
Italiya A Seriyasida "Kevo" muddatidan avval elitadagi o'rnini yo'qotgan. Jamoa 33-turdan keyin 14 ochko bilan eng oxirgi pog'onani band etib turibdi. Undan keyingi o'rinlardagi "Frozinone" va "Empoli" esa A Seriyadagi o'rnini saqlab qolish uchun kurashmoqda. SHuningdek, xavfli hudud atrofida bo'lgan "Udineze", "Bolonya" va "Jenoa" ham nazariy jihatdan quyi ligaga tushib ketishi mumkin.
A SERIYA TURNIR JADVALI
Franciya 1 Divizionida hozircha hech bir jamoa rasman quyi divizionga tushib ketgani yo'q. Xavfli hududning eng pastki o'rnida 24 ochko to'plagan "Gengam" mustahkam turibdi. "Kan" esa 26 ochko to'plagan holda 19 o'rinni band etib turibdi. "Dijon" esa 28 ochko bilan o'tish o'yinini o'tkazishga huquq beradigan pley-off hududidan joy olgan. SHuningdek, "Amen" va "Monako"da ham nazariy jihatdan tushib ketish xavfi mavjud.
FRANCIYA 1 DIVIZIONI
Ispaniya primerosida Angliya va Italiya A Seriyasida bo'lgani kabi uchta jamoa to'g'ridan-to'g'ri quyi ligaga tushib ketadi. Ayni paytda eng oxirgi o'rindagi "Rayo Valekano" va "Ueska" allaqachon quyi divizionga tushib ketishgan. Uchinchi yo'llanmaga ega asosiy davogar "Jirona" hisoblanadi. "Jirona" La Ligada qolish uchun "Valyadolid", "Selta" va "Levante" bilan o'zaro bellashmoqda.
LA LIGA TURNIR JADVALI
Germaniya Bundesligasidan ikkita jamoa to'g'ridan-to'g'ri tushib ketsa, qolgan yana bir klub pley-offda Ikkinchi Bundesligadagi uchinchi o'rin sohibi bilan pley-offda o'tish o'yini o'tkazadi. Ayni paytda "Gannover", "Nyurnberg" va "SHtutgart" xavfli zonadan o'rin olishgan. Jamoalar o'rtasidagi ochkolar farqi ham katta. Biroq hozirda hech bir jamoa rasman elitani tark etgani yo'q. Mazkur turda agarda "Gannover" g'alaba qozona olmasa, unda jamoa rasman Bundesligani tark etadi. SHuningdek, "Nyurnberg"da ham shunday holat. "Gannover" va "Nyurnberg" faqatgina o'tish o'yiniga yo'llanma beruvchi 16-o'rin uchun kurashni davom ettirishi mumkin. "SHtutgart" esa pley-off zonasidan teparoqqa sakrash uchun nazariy taraflama o'z imkoniyatlarini saqlab turibdi.
BUNDESLIGA TURNIR JADVALI
Bosh sahifaga
238
