O'shanda Ro'ziqul Berdiev o'yindan keyin nega Humonyun Murtozaevning yangi jamoasidagi debyut goli cho'zilib ketdi, degan savolga quyidagicha javob bergandi:
"Humoyun mavsumoldi yig'in doirasidagi nazorat o'yinlarida o'zini yaxshi ko'rsatdi. Ko'p gollar kiritdi. Uning golsiz seriyasi cho'zilgani shunchaki vaqt masalasi. SHuningdek, Murtazoev o'tgan yilni Pro-ligada o'tkazdi va "Mashal" hamda "Nasaf" o'rtasidagi farq ham o'z tasirini ko'rsatmoqda. Yani, bunday yuqori bosimda o'ynagandan keyin bunga moslashish va ko'nikish uchun vaqt talab etiladi. O'ylaymanki, Murtazoev dastlabki golni urib olgach o'ziga bo'lgan ishonchi ortadi. Muhimi, o'sha birinchi golni urib olish lozim. Debyut goldan keyin Humoyun Murtazoev ochilib ketadi", - deya o'z fikrlarini bildirgandi "Nasaf" ustozi Ro'ziqul Berdiev.
Qayd etish kerakki, shundan so'ng Humoyun Murtazoev "Andijon" darvozasiga o'zining ilk golini kiritdi va kecha AGMK darvozasiga ikkita gol urib, yangi jamoasidagi dastlabki dublini nishonladi. Ro'ziqul Berdiev ishontirgandek, Humoyun Murtazoev "Nasaf" safidagi ilk golini urgach futbol tilida aytganda, "ochilib ketdi".
"Mashal"dan "Nasaf"ga o'tgan hujumchi oxirgi ikkita uchrashuvda 3ta gol kiritishni uddaladi. Bu bilan hujumchi jamoaning yangi mavsumdagi to'purari bo'lib turgan o'ng qanot himoyachisi Dilshod Saitovga etib oldi. Saitov hisobida ham 3ta gol mavjud. Kuchli zarba sohibi bo'lgan Saitov "Dinamo", "So'g'diyona" va AGMK darvozasini uzoqdan yo'llayotgan kuchli zarbalari orqali aniq nishonga olgan.
SHuningdek, jarohatini davolab o'zoq tanaffusdan so'ng yashil maydonga qaytgan Aziz G'aniev AGMKga qarshi bahsda jamoasi gollarining ikkitasida assistentlik qildi va golli uzatmalar sonini ikkita etkazib, bu borada peshqadamlar safiga qo'shilib oldi.
Bosh sahifaga
248