- Ikki taymda ikki hil o'yin ko'rdik. Birinchi bo'limda qo'pol xatolarimiz gollar o'tkazib yubordik. O'yindan oldin futbolchilarimga raqiblar xatolardan unumli foydala olishini aytgandim. Tezkor gollar o'tkazib yuborganimizdan keyin o'yinga moslashishga ancha vaqt kerak bo'ldi. "Lokomotiv" - O'zbekistonning kuchli jamoalaridan biri. Ular bilan tenglashish juda qiyin.
Ichki muhitimizda kamchiliklar, etishmovchiliklar bor. Jamoaning zaxirasi tor. Zaxiradan tushayotganlar o'yinni kuchaytira olmayapti. "Qizilqum"da faqatgina bir tarkib o'ynamoqda. Bu yil selekciyada adashdik deb o'ylayman. Yil boshida moliyaviy tomondan qiynaldik. Buni boshqa yashira olmayman. Tarkibimizda 10 nafar yaxshi futbolchi bor. Yoshlarni qo'yib, ularga ham imkon bergan holda harakat qilyapmiz. Boshqa iloji bo'lmayapti.
Gevorkyan? U kattaroq pul so'radi, biz uning talabini bajara olmadik. Uning ketishi borasidagi barcha sabab moliyaviy tomonga borib taqaladi.
O'sha mutaxassislar mening oldimga kelib uch kun ishlashsin. Hammasi qochib ketadi. Men bu jamoani ikkinchi ligadan shu ergacha olib keldim. Zavodda ishlaydiganlardan jamoa qilib, shu darajaga etdik. Oson emas, ular aql o'rgataveradi, ammo mening oldimga kelib, ishlashimni ko'rmaydi. Men 5-6-o'rinlarga harakat qilaman. Men uchun bu normal holat.
Hozirgacha akademiyamiz yo'q edi. Bungacha biz iltimoslar bilan futbolchi olib kelardik. Endi viloyat qoshida akademiya tashkil qilindi. "Nasaf"ning 10 yillik akademiyasi bor. Akademiya o'z mevasini berish uchun biroz kutish kerak.
"Lokomotiv" - hakamga muxtoj emas. Jamoaning Osiyoda katta o'rni bor. Ammo hakamlar chempionlarga doimo yon bosgan. Bilmadim, nega unday unaqa. Dunyo futbolida ham unday holat kuzatiladi.
O'tgan o'yindagi hakamlik ustidan yozdik. Biz tegishli joylarga murojaatimizni taqdim etdik. Ammo keyin nima bo'lganini bilmayman. Meni boshqa chaqirishmadi.
Bosh sahifaga
585