Afsuski, ana shu uchrashuvni asosiy tarkibda boshlagan londonliklar markaziy himoyachisi Yan Vertongen bahsni oxirigacha etkaza olmadi. Bellashuvning 31-daqiqasida amsterdamliklar jarima maydonchasida to'p uchun havodagi kurashda jamoadoshi Tobi Alderveyreld va mehmonlar posboni Andre Onana bilan to'qnashib ketgan himoyachi jarohat oldi. Yanning burni tashqi tomondan qonab ketdi, katta ehtimol burni yirtildi.
Bundan tashqari, futbolchi tanasining beldan yuqori qismida ham kuchli og'riq sezayotganini payqash qiyin emasdi. Yan maydonga qaytdi va o'yinni davom ettirmoqchi bo'lgandi, ammo og'riq bunga imkon bermadi.
Hozircha, jarohatning qay darajada ekanligi va tashxisi malum emas. Katta ehtimol kunduz kuni bu haqda "Tottenxem" matbuot xizmati xabar beradi. Biz esa belgiyalikka salomatlik tilab qolamiz.
Bosh sahifaga
346