"O'ylashimcha, ikkita har xil taym guvohi bo'ldik. Birinchi taymda tezkorlik bilan juda yaxshi o'ynadik. Ko'plab vaziyatlar yaratildi. Ammo hujumni yakunlovchi oxirgi zarbani berishda oqsamoqdamiz. Tanaffusdan keyin biroz toliqib qoldik va buni natijasida o'yinimiz ancha sekinlashdi. Lekin shunga qaramay raqib darvozamiz tomon deyarli aniq zarba bergani yo'q. Bunga yo'l qo'ymadik. Biz ham xavfli vaziyatlar sodir etolmadik. Jamoa har 3-4 kunda futbol o'ynamoqda. Jamoa jismonan yaxshi darajada. Biz endi kelasi o'yin haqida bosh qotirmoqdamiz", - deya o'z fikrlarini bildirdi SHota Arveladze.
- "Persepolis" bilan o'yinga qadar jamoa jismonan tayyor holatga keladimi?
- Nafaqat jismoniy taraflama, balki ruhan ham ancha tetiklashib olamiz. Bu esa futbolchilarga tiklanib olish jarayoninin osonlashtiradi. Birinchi navbatda men OCHL doirasidagi "Persepolis"ga qarshi uchrashuvda ko'p minglab ishqibozlar qo'llab-quvvatlovidan umid qilaman. O'ylaymanki, o'zbekistonlik minglab futbol muxlislari bizga ishqibozlik qilishadi. Stadionga kelib, bizni qo'llab-quvvatlashadi. Bu biz uchun juda muhim o'yinga aylanadi. SHu o'rinda PFLga o'yinni bizning foydamizga moslab oldinroqqa surgani uchun rahmat aytaman. Bir kun ortiqcha dam olish imkoniyatiga ega bo'lganimizdan xursandman.
- SHipilov ikkinchi taymda "Metallurg" o'yinda ustunlik qilganini takidladi. Bu fikrga qo'shilasizmi?
- Balki. Bazan "Metallurg" o'yinni nazorat qilishdi, maydon markazida to'pni ushlashdi. Biz esa passiv pressingni amalga oshirdik. "Metallurg" darvozamiz oldida chinakamiga xavfli vaziyatlar yuzaga keltirmadi. Faqat burchak zarbalari va standart vaziyatlari. Biz charchab qolganimiz tufayli juda erta orqaga o'ynashni boshlab yubordik. Bu esa biz xohlamaydigan o'yin. "Paxtakor" doim hujumkor va oldinga boruvchi o'yin tarafdori. Lekin buogun charchoq alomatlari o'z tasirini ko'rsatdi.
- "Paxtakor"da uzoqdan yaxshi zarba beradigan futbolchilar etarli. Masalan CHeranda ajoyib zarba bor, yoki Hamdamov...
- To'g'ri, ular ko'proq darvozani "o'qqa" tutishlari zarur. Aks holda raqib darvozasini boshqacha yo'l bilan ishg'ol etib bo'lmaydi. Bugun ham zarbalar bo'ldi, bo'lmadi emas. Ammo kutilgan darajada emas. Biz buning ustida ish olib boryapmiz. Lekin mening qo'limda boshqariladigan djoystik yo'q, men ularni o'yin davomida boshqara olmayman. Javohirda ikkinchi bo'limda, Jalolda birinchi bo'limda imkoniyatlar bo'ldi. Birinchi bo'limni yaxshi o'tkazdik. Ikkinchi taymda esa charchoq alomatlari tufayli kutilganidek o'ynay olmadik.
- Eldorbek Suyunovni qachon maydonda ko'ramiz?
- Bilmadim.
- Jamoa deyarli har o'yinda gol o'tkazmoqda...
- CHunki raqiblar darvozamiz tomon yaxshi zarbalar yo'llashmoqda. Bizning raqiblar yaxshi darajadagi jamoalar.
Bosh sahifaga
213
