O'zPFL bolalarda sog'lom turmush tarzini shakllantirish maqsadida futbol akademiyalari uchun bo'lgan talabni kuchaytirgandi. Endi biz sog'lom hayot tarzi uchun kurashayotgan bolalarni qo'llab-quvvatlash akciyasini boshlaymiz.
Unga ko'ra, Superliganing 9 va 10-tur bellashuvlarida jamoalar mazkur akciya doirasida qator tadbirlarda ishtirok etadi. Saratonni engib o'tish kabi mashaqqat bilan kurashayotgan jajji qalblarni futbol muxlislari ham qo'llab-quvvatlashlari mumkin. Yuqoridagi turlar davomida har bir stadionga xayriya qutilari o'rnatiladi. Ularda yig'ilgan mablag'lar esa o'sha hududdagi onkologiya markazlariga o'tkazib beriladi.
O'zPFL mazkur akciyaning birinchi bosqichini boshlab berdi. Bugun tashkilot xodimlari mamlakatning eng tajribali hakami Ravshan Ermatov bilan Respublika onkologiya ilmiy markazining bolalar bo'limiga tashrif buyurdi. Ko'zni quvnatadigan darajada shirin bolajonlarga turli sovg'alar, futbol liboslari, to'plar ulashildi. SHuningdek, markazga moddiy yordam ko'rsatildi.
O'zPFL ishchi guruhi saratonga qarshi kurash olib borayotgan bolalarning yorqin va sog'lom kelajaklariga ishonadi. Ular har birimizning farzandlarimiz kabi baxtli yashashga haqlidirlar. Yuqoridagi akciyada ishtirok etish istagida bo'lgan muxlislarimiz stadionlarga tashrif buyurib, bolalarga yumshoq o'yinchoqlar yoki imkon darajasida moddiy yordam ko'rsatishlari mumkin. SHuningdek, mazkur akciya doirasida Superliga klublari hamda ularda to'p surayotgan futbolchilar ham o'rnak ko'rsatishlaridan umidvormiz.
Bosh sahifaga
96