- Muxlis ko'zi bilan qaraganda, tomoshabop o'yin bo'ldi. Ikki tomon ham ko'plab vaziyatlarga ega chiqdi. Bugun bundanda ko'proq gollar urishimiz yoki o'tkazib yuborishimiz mumkin edi. "Lokomotiv" mavsum boshidan buyon bizdan ko'proq o'yinlarda qatnashdi. SHu boisdan jamoaning ayrim futbolchilari toliqib qolgani ko'rindi. Bugun ikki tomon ham vaziyatlardan foydalana olmadi. Ochiq o'yin tomoshabinlarga yoqqan bo'lsa kerak.
- Birinchi bo'limda jamoa yaxshi o'ynadi, biroq yakuniy zarba etishmadi. Ikkinchi bo'limda esa sekinroq o'yin bo'ldi. Jamoaning o'yinidan qoniqdingizmi?
- Birinchi bo'limda tezkor gol bizga tasir qildi. SHuningdek, o'yin oldidan jamoa etakchisi Murod jarohat oldi. Bu yigitlarga tasir qildi, albatta. Ammo shunda ham futbolchilar o'zlarida kuch topa olishdi. 2:0dan keyin tezkor javob berganimiz yakuniy natija uchun yaxshi xizmat qildi.
- Markazdagi futbolchilarga alternativ yo'qmi?
- Javohir Sidiqovdek futbolchini topish qiyin bo'lmoqda. Iqbolga ochil-ochil demasam, buyruq bermasam bo'lmayapti. O'yinni uning o'zi o'qishi, vaziyatni ko'rib turishi kerak. O'yin davomida u nima qilishni bilmayapti. Mening buyruqlarimni esa raqib futbolchilari ham eshitib qolmoqda. O'tgan mavsumda Sidiqov va Yusupov jamoaga katta foyda keltirayotgandi. Endi esa ularsiz yigitlarga qiyin bo'lmoqda. Yaqin vaqtlarda yana o'z maydonimizga qaytamiz va o'z muxlislarimiz qarshisida o'ynaymiz.
- Jamoa ikki mavsum bu maydonda mag'lub bo'lmadi. "Lokomotiv"ning o'yinida o'zgarishlar bormi?
- Bugun ular charchab qolgani ko'rinib qoldi. "Lokomotiv" futbolchilarini yaxshi taniyman. Negadir ular bugun ortda ko'proq o'ynashdi. Ular bunchalik o'ynamasdi. Bilmadim nega unday... Albatta, o'tgan yili jamoaning tarkibi kuchli edi. Bu mavsum esa yangi futbolchilar tarkibga jalb qilindi. Jamoada 2-3 yil o'ynagan futbolchilar bilan ishlash oson. Biroq yangilarni jamoaga moslashtirish qiyin. Bu jamoaga ham biroz vaqt kerak.
- Murod Holmuhamudov o'rniga Nikolich maydonga tushgandi. Keyinchalik u jarohat oldi va almashtirildi. Bu rejalarga qanchalik o'zgarishlar berdi?
- Miloshni tushurib, xato qilgan ekanman. Uni o'zgartirganimdan keyin o'yin tizgini biz tomonga o'tdi.
- Jamoaning bo'sh nuqtasini ayta olasizmi?
- Bizda barcha nuqtalarda kamchiliklar bor. Bizga yaxshiroq futbolchilar kerak edi. Mavsum oldidan bir francuzni jamoaga olib kelgandim. Ammo uning ishlari o'xshamadi va jamoadan ketib qoldi. Oybekni qo'ydim, keyin almashtirdim. Murodni tayanchda o'ynatdim. U va Milosh birgalikda tandem bo'lishdi. Oybek olimpiya termasida tayanch himoyada o'ynaydi. Men esa uni himoyada o'ynatyapman. Endi men ham terma manfaatini o'ylashim kerak.
Bosh sahifaga
259