NAVBAHOR — SO'G'DIYONA
Bu mavsum Namangandagi stadiondagi dastlabki o'yin "Navbahor" va "So'g'diyona" o'rtasida bo'lib o'tadi. "So'g'diyona" bu mavsum ikki marta safarda o'yin o'tkazdi va ikkalasida mag'lubiyat alamini totib ko'rdi. O'zbekiston chempionati doirasida bu ikki jamoa jami 46 marta to'qnash kelishgan. 23ta uchrashuvda "lochinlar" zafar quchishgan. 6 marta durang kuzatilgan va 17ta bahsda jizzaxliklar ustun kelishgan.
"So'g'diyona" o'z tarixida hech qachon "Navbahor"ni safarda mag'lub eta olmagan ekan (5 durang, 18 mag'lubiyat). Bu yilgi chempionatning oxirgi uchta turida "Navbahor" umuman mag'lub bo'lmadi (2 g'alaba va 1 durang).
Mazkur uchrashuvda "So'g'diyona" himoyachisi Elyor Orifov va SHohruz Norxonov diskvalifikaciya tufayli maydonga tusha olmaydi.
 Navbahor | Superliga. 7-tur 04/05/2019, 19:00 - : - Boshlanmadi |  So'g'diyona |
BUXORO — NASAF
Turnir jadvalida yonma-yon ketayotgan ikki jamoa o'rtasida bahs. Baxtiyor Ashurmatov Ro'ziqul Berdievga qarshi. Ikkala jamoa ham dastlabki 6ta turda 8tadan gol o'tkazib yubordi.
"Buxoro" bu yil o'z maydonida hozircha umuman g'alaba qozongani yo'q (2 durang va 1 mag'lubiyat). "Nasaf" esa safardagi uchta o'yinning hech birida zafar qucha olmadi (1 durang va 2 mag'lubiyat).
Bu ikki klub O'zbekiston chempionatida o'zaro 42 bor o'yin o'tkazishgan. SHundan 11tasida "Buxoro" g'olib chiqqan, 9ta bahsda durang qayd etilgan. Qolgan 22ta o'yinda "ajdarlar" muvaffaqiyat qozonishgan.
"Nasaf" oxirgi ikki yil Buxorodagi o'yinlarda ikki marta mag'lub bo'lgan. Etiborlisi bu bahslarda "Buxoro" xatto gol ham o'tkazmagan.
 Buxoro | Superliga. 7-tur 04/05/2019, 19:45 - : - Boshlanmadi |  Nasaf |
Bosh sahifaga
212
