Joriy mavsum debyutantlari sanalmish «Andijon» va «Dinamo» klublari Superliga doirasida ilk marta uchrashishadi. Oxirgi turda durang qayd etgan ikki jamoa ham ushbu bahsda faqat g'alabani ko'zlashi aniq.
Xususan, “Dinamo” jamoasi tur bezagiga aylangan Samarqandda “Navbahor”ga qarshi kechgan shiddatli o'yinda 2:2 hisobidagi jangovar durang qayd etgan bo'lsa, “Andijon” Termizda “Surxon” bilan 0:0 hisobga rozi bo'ldi.
“Sog'lom Avlod” stadionida o'tadigan “Andijon” – “Dinamo” uchrashuvida anshlag kuzatilishi mumkin. SHu kuni Andijonga “Dinamo”ni qo'llab-quvvatlash uchun Samarqanddan ham ko'hna shaharlik ishqibozlar tashrifi kutilmoqda.
Superliga. 7-tur.
5 may (yakshanba)
“ANDIJON” – “DINAMO”
O'yin boshlanish vaqti: 17:20
TV-translyaciya: «Sport» TV (jonli efir)
Joriy mavsumda…
Ushbu mavsumda Eldor Sakaev qo'l ostidagi “Andijon” jamoasi 6 o'yindan keyin 1 g'alaba, 3 durang, 2 mag'lubiyat bilan 6 ochko jamg'arib, 10-pog'onani band etib turgan bo'lsa, Davron Fayziev boshqaruvidagi “Dinamo” klubi 6 o'yindan keyin 2 g'alaba, 2 durang, 2 mag'lubiyat bilan 8 ochko jamg'argan holda 7-o'rinni band etib turibdi. 7-turdagi g'alaba ikki jamoadan birini turnir jadvalidagi holatini ancha yaxshilanishiga yordam beradi.
“Dinamo”ning o'tkazgan o'yinlari:
1-tur. “Dinamo” – “Nasaf” – 1:1
2-tur. “Surxon” – “Dinamo” – 1:0
3-tur. “Dinamo” – “Metallurg” – 2:1
4-tur. “Dinamo” – “So'g'diyona” – 1:0
5-tur. “Paxtakor” – “Dinamo” – 2:0
6-tur. “Dinamo” – “Navbahor” – 2:2
“Andijon”ning o'tkazgan o'yinlari:
1-tur. “Qizilqum” – “Andijon” – 1:1
2-tur. “Qo'qon-1912” – “Andijon” – 0:0
3-tur. “Lokomotiv” – “Andijon” – 4:0
4-tur. “Bunyodkor” – “Andijon” – 1:0
5-tur. “Andijon” – “Nasaf” – 3:1
6-tur. “Surxon” – “Andijon” – 0:0
Tarkibda yo'qotishlar bormi?
Tarkib borasida Eldor Sakaevda muammo yo'q, Davron Fayziev esa asosiy tarkib markaziy himoyachisi sanalmish Hakimxon Alamxonov o'rnini zaxiradan to'ldirishi talab etiladi. Himoyachi “Navbahor”ga qarshi uchrashuvda chempionatdagi 4-sariq kartochkasini olib, bitta o'yinlik diskvalifikaciyaga uchragan.
Andijonliklar safida Oybek Qilichev ehtiyot bo'lib o'ynashiga to'g'ri keladi. Ayni damda 3-sariq kartochkasi bo'lgan Qilichev, “Dinamo”ga qarshi ham hakam tomonidan ogohlantirilsa, navbatdagi uchrashuvga diskvalifikaciyaga uchraydi.
Ayni damda andijonliklar tarkibida Ro'zimboy Ahmedov 2 ta gol urib jamoa to'purari bo'lib turgan bo'lsa, “Dinamo”da Qadamboy Nurmetovning hisobida ham shuncha gol bor.
Eski tanishlar…
Har ikki jamoa tarkibida ham bir qator futbolchilar borki, ular avval raqib jamoa safida to'p surishgan. Xususan, “Andijon” tarkibidagi Ildar Mamatkazin (2014-15 yillar), Ro'zimboy Ahmedov (2012-13), Sardor Sulaymonov (2017) kabi futbolchilar “Dinamo” sharafini himoya qilishgan.
“Dinamo” tarkibidagi Qadamboy Nurmetov, Siroj Hamroev, Obid Hakimovlar esa avvalgi yillarda “Andijon” jamoasida faoliyat yuritishgan.
 Andijon | Superliga. 7-tur 05/05/2019, 17:20 - : - Boshlanmadi |  Dinamo |
Andijonda o'tgan o'zaro so'nggi uchrashuvlar:
Pro-Liga
05.10.2018 «Andijon» - «Dinamo» 1:0
18.05.2018 «Andijon» - «Dinamo» 3:1
2017 yil – «Andijon» quyi ligada.
2016 yil – «Dinamo» quyi ligada.
Oliy Liga
26.10.2015 «Andijon» - «Dinamo» 1:1
12.04.2014 «Andijon» - «Dinamo» 2:3
2013 yil – “Andijon” quyi ligada.
14.04.2012 «Andijon» - «Dinamo» 0:3
25.08.2011 «Andijon» - «Dinamo» 2:0
14.08.2010 «Andijon» - «Dinamo» 1:0
03.10.2009 «Andijon» - «Dinamo» 2:0
O'zaro o'yinlar haqida fakt…
“Dinamo” jamoasi so'nggi marta bundan besh yil avval - 2014 yilda Andijondan g'alaba bilan qaytgan. O'shanda Abdulla Nabiev va Sanat SHixovning 85 va 90+3-daqiqadagi “dubli” “Dinamo”ning Andijondan g'alaba bilan qaytishiga sabab bo'lgandi. Ko'ramiz, bu safar Samarqand klubi Andijondagi 5 yillik g'alabasiz noxush ananasiga barham bera olarmikan?
“Dinamo” klubi matbuot xizmati.
Bosh sahifaga
228