“Oldinda bizni juda qiyin o'yin kutmoqda. Agar guruhdagi vaziyatga qarasak ham buni tushunib olish mumkin. “Persepolis” hozir to'plagan ochkodan ko'prog'iga munosib ammo bu futbol. Ular kuchli klub”, - Arveladze.
“Ertagangi o'yinda ko'p narsa hal bo'ladi. Bizga faqat g'alaba kerak qolgan barcha natija bizni qiyin ahvolga solib qo'yadi”, - deydi Krimec.
- Ertaga raqibdan qanday o'yin kutayapsiz?
- Ular doim bir xil o'ynashadi. Ertaga ham agressiv va hujumkor o'yin kutayapman.
- “Persepolis” bu mavsum OCHLda safarda ikkala o'yinda ham yutqazib qo'ydi. Ertaga bu sizlarga qandaydir engillik beradimi?
- Bunga qo'shilmayman. Ular safarda yomon o'ynashmayapti. Bilsangiz bitta bahsni neytral maydonda o'tkazishdi, futbolda kim ko'proq gol ursa o'sha jamoa g'olib bo'ladi.
- Jamoa tarkibida yo'qotishlar bormi?
- Jasur Yaxshiboev jarohat olgan. Dostonbek Hamdamovda esa sariq kartochkalari soni ikkita bo'lgan.
- Qaysi omillar evaziga raqibni mag'lub etmoqchisiz?
- Raqibdan ko'ra ko'proq gol urish evaziga.
- Ertaga natija birinchi o'rinda bo'ladi. Deyik “Paxtakor” yomon o'ynab 1:0 hisobida g'alaba qozonsa xursand bo'lasizmi?
- Albatta (kuladi). “Liverpul” kabi yaxshi o'ynab yutqazgandan ko'ra yomon o'ynab yutgan yaxshi.
Narzulla Saydullaev yozib oldi
Bosh sahifaga
219