Beshinchi tur doirasidagi mazkur bahsda har ikkala jamoalarga g'alaba suv va havodek zarur edi. "Paxtakor" Qatarda yo'qotilgan ochkolar o'rnini qoplash va oxirgi tur oldidan guruhdan chiqish imkoniyatlarini yaxshilab olish uchun g'alabaga muhtoj edi. "Persepolis" esa o'z-o'zidan guruhdagi o'rnini, yani oxirgi pog'onadan teparoqqa sakrash uchun faqat g'alabaga kurashdi.
Mazkur bahs oldidan mezbonlar tarkibida qator yo'qotishlar yuzaga keldi. Diskvalifikaciya tufayli asosiy tarkib azosi, qanot vingeri Doston Hamdamov o'yinda ishtirok etolmadi. SHuningdek, uning o'rnida qanotda o'ynashi mumkin bo'lgan Jasur Yaxshiboevda esa jarohat vujudga keldi. Tayanch yarim himoyachi sadriddin Abdullaev esa ancha avval safdan chiqqandi. "Persepolis" safida ham yo'qotishlar yo'q emasdi. "Persepolis" futbolchisi Halilzoda ham Hamdamov singari diskvalifikaciya tufayli o'yinni o'tkazib yuborishga majbur bo'ldi.
SHota Arveladze tarkibdagi yo'qotishlardan kelib chiqib, boshlang'ichda Hamdamov o'rniga Sidiqov, Abdullaev o'rnini esa doimgidek Sobirxo'jaev egalladi. Qolgan poziciyalar bo'yicha esa murabbiy o'zgarishga qo'l urmadi va jamoa odatdagidek 4-2-3-1 taktik sxemasiga asosan maydonga tushdi.
Branko Ivankovich esa jamoani 4-3-3 taktik sxemasida o'yinga tushirdi. Darvozada Alirizo Beyranvand. CHap qanot himoyasida Mehdi SHiri qo'yildi, markazda esa Muhammad Nadiri va Omid Alishax tandemiga ishonch bildirilgan bo'lsa, o'ng qanotda doimgidek Jalol Husseyni o'ynadi.
Markazda esa Ahmad Nurullahi-Kamyabinia-Soroush "trio"si harakat qildi. Hujum uchligida esa Muhsin Rabix va Siamak Nemati qanotlardan joy olishgan bo'lsa, Ali Alipur markaziy hujumchi sifatida bahsni boshladi.
Uchrashuvni boshqarib borish esa avstraliyalik Kristofer Bit boshchiligidagi hakamlar guruhi zimmasiga yuklandi. Qayd etish kerakki, ushbu referi bungacha ham "Paxtakor" ishtirokidagi o'yinni boshqarishga ulgurgandi. O'shanda "Paxtakor" jamoasi Toshkentda "Al Hilol" bilan murosasiz kechgan o'yinda (2:2) durang qayd etgan.
O'yinni har ikkala jamoalar ehtiyotkorlik bilan boshlashdi. Ayniqsa "Paxtakor" dastlabki daqiqalardanoq ko'r-ko'rona hujumga o'tishdan ko'ra ehtiyotkorlikni afzal bildi. "Persepolis" esa dastlabki 10 daqiqalikda hududiy ustunlikka egalik qildi. Ammo "Paxtakor" darvozasi oldida xavfli vaziyatlar sodir etilmadi. "Paxtakor" mudofaani mustahkam ushlab, birinchi 10 daqiqalikdan so'ng asta-sekinlik bilan oldinga o'tdi. Pozicion hujumlarga etibor qaratgan maydon egalarining ilk xavfli vaziyatni standart orqali amalga oshirishdi. Jaloliddin Masharipovning jarima zarbasidan tepgan to'pi darvoza ustuniga tegib qaytdi. Krimec bu vaziyatda to'pni darvozaga to'g'rilab qo'yishiga bir bahya qoldi.
Yana sal o'tib "Paxtakor"ning chap qanot orqali tashkil etgan hujumi stadionga yig'ilgan muxlislarni larzaga keltirdi. Sayfievning uzatmasidan so'ng Javohir Sidiqov to'pni darvozaga joylab qo'yishga intildi, ammo uning zarbasi yo'liga avvaliga himoyachi, keyin darvozabon tug'anoq bo'ldi. Mazkur xavfli vaziyatdan biroz o'tib Javohir Sidiqovga nisbatan qoida buzildi. Tizzasidan jarohat olgan Sidiqov o'yinni davom ettira olmadi.
Uning o'rniga esa bungacha "Paxtakor" safida atigi bir o'yinda zaxiradan maydonga tushgan Sobit Sindarov qo'yildi. Yosh futbolchi maydonda Sidiqov bajargan vazifa, yani qanot vingeri rolida paydo bo'ldi. SHundoq ham o'ng qanot vingerlari sanalgan Hamdamov, Yaxshiboevni yo'qotgan jamoa bu rolda o'ynagan Sidiqovdan ham ayrildi. Natijada to'rtinchi variant sifatida Sindarov bu rolga kirishdi.
SHundan so'ng o'yin asosan maydon markazida kechdi. Birinchi bo'lim so'nggida mehmonlar "Paxtakor" darvozasi oldida chinakamiga xavfli vaziyat yaratishdi. Jarima zarbasidan so'ng Ali Alipur tomonidan berilgan kuchli va xavfli zarbani Quvvatov mahorat ko'rsatib bartaraf etdi. SHu tariqa jamoalar tablodagi 0:0 hisobi bilan tanaffusga yo'l olishdi.
Ikkinchi bo'limda esa yanada jahldor va ishtiyoqi biland "Paxtakor"ni ko'rdik. Tashabbusni to'liq o'z qo'liga olgan jamoa o'zining uslubiga monand hujumlar sonini oshirdi va oldinga o'tdi.
Arveladzening zaxiradan unumli foydalangani o'yindagi hal qiluvchi vaziyatga aylandi
Raqib darvozasi oldida ketma-ket sodir etilgan xavfli vaziyatlar "Persepolis"ni biroz esankiratib qo'ydi. Lekin eronliklar mudofaada ishonchli va mustahkam o'yinni davom ettirishdi. O'yin tugashiga tobora oz fursat qolganida SHota Arveladze uchrashuvdagi ikkinchi o'zgarishga qo'l urdi. Yani, hujumni kuchaytirish maqsadida maydonga Igor Sergeev tushirildi. Aynan mazkur qaror o'yin taqdirini hal etishda muhim rol o'ynadi. Marat Bikmaevni almashtirgan Igor Sergeev Dragan CHerandan to'pni qabul qilib olgach, jarima maydonchasi ichida darvozaning uzoq burchagini nishonga oldi. To'p esa yo'l-yo'lakay himoyachini silab o'tib, darvozaning yuqori burchagi tarafdan joy oldi - 1:0.
Stadionni larzaga keltirgan Igor nomi butun stadion bo'ylab qayta-qayta takrorlandi va Sergeev haqli ravishda o'z olqishlarini qabul qildi.
O'tkazib yuborilgan goldan so'ng "Persepolis" himoyaga yotishdan naf yo'qligini butkul sezib, katta kuch bilan oldinga bordi. Ammo shu kuni himoyada mustahkam bo'lgan Azamov-Krimec tandemi ishonchli tarzda raqib hujumlarini qaytarishdi. Sanjar Quvvatov esa ikkita vaziyatda jamoasi joniga oro kirdi. Qisqa qilib aytganda, "Paxtakor" himoyada ancha mustahkam turdi.
Uchrashuvga hakam tomonidan 4 daqiqa vaqt qo'shib berildi. Bu vaqt ichida "Persepolis" "Paxtakor" darvozasi oldida xavf tug'dirishga erishdi. Ammo bundan naf chiqarishning imkoni bo'lmadi. Igor Sergeev esa qarshi hujum paytida yana bir yaxshi vaziyatga ega bo'lgandi. Ammo jarima maydonchasi ichida darvozabonni aldamoqchi bo'lgan Sergeevning yiqilishiga hakam ishonmadi va xavf bartaraf etildi.
Yakunda "Paxtakor" Toshkentda "Persepolis" qarshiligini engdi va muhim g'alabani rasmiylashtirdi. Mazkur g'alabadan so'ng "Paxtakor" o'z guruhida 8 ochko to'plagan holda hozircha yakka peshqadamga aylandi. Guruhdagi ikkinchi o'yin sal keyinroq Qatarda "Al Sadd" va "Al Ahli" o'rtasida kechadi.
 Pakhtakor Tashkent Igor Sergeev - 86' | AFC Champions League Grp. D . 5-tur 06/05/2019, 18:00 0 : 1 Tugadi |  Persepolis |
Bosh sahifaga
596