Denis Ivankov "Inter"ga ish o'rganish uchun yo'l olgan. "Nasaf"ning sobiq murabbiyi, ayni paytda milliy terma jamoa shtabida faoliyat ko'rsatayotgan mutaxassis "Inter" jamoasi darvozabonlar murabbiylarining faoliyati, mashg'ulot jarayonlari bilan tanishib, malaka oshiradi va tajriba almashadi.
Mazkur masala bo'yicha O'zbekiston terma jamoasi bosh murabbiyi Ektor Kuper Denis Ivankovga "Inter"da malaka oshirish uchrashuvini tashkil etishga ko'maklashgan. Bilasiz, o'z vaqtida "Inter"ni boshqargan Kuper qo'l ostida hozirgi kunda klub vice-prezidenti lavozimida ishlayotgan argentinalik hamyurti Xaver Zanetti o'ynagan. SHu boisdan ham Kuperning iltimosiga ko'ra Zanetti Denis Ivankovga "Inter"da malaka oshirish kursini tashkil etib bermoqda.
Denis Ivankovning "Inter" jamoasida malaka oshirish kursi uchun Milan shahriga etib borgan. Bugun Ivankov Zanetti bilan qo'ng'iroqlashgan va ertaga klub qarorgohida uchrashish bo'yicha kelishib olishgan.
O'zbekiston terma jamoasi darvozabonlar murabbiyi bir haftaga yaqin "Inter" jamoasida malaka oshiradi.
MTJ, Osiyo Kubogi, Kuper, "Nasaf", ispan tili to'garagi, Nesterov va terma jamoaning bo'lajak birinchi raqami haqida — Denis Ivankov bilan suhbat
Bosh sahifaga
161